Read tshiluba Musambu wa Solomo 8 Bible Online

Musambu wa Solomo 8 - tshiluba bible

Musambu wa Solomo 8

¹Bu wewe muikale muanʼetu wa balume, wa dibele dimue, nakadi kusangila nʼebe ha bula ne nakadi kutuangana nʼebe mishiku; muntu kakadi kulengulula.

²Nakadi kukulombola, nakadi kulua nʼebe mu nsubu wa mamu wanyi udi unyisha malu; nakadi kukumusha nvinyo misangisha ne bintu bia muhuya muimpe ne mai a mamuma anyi a grenades.

³Tshianza tshiandi tshia bakashi tshidi bu musamu ku mutu wanyi, tshianza tshiandi tshia balume tshidi tshingela tshituha.

⁴Ndi nnutshihisha, nuenu bana bakashi ba mu Yelushalema, ne, Kanusonsolodi, kanubishi wanyi munanga anu hasueye.

⁵Udi ufuma ku tshihela mukuate ku diboko dia wandi munanga nganyi? Nakakutahasha muinshi mua mutshi wa mamuma; mamu webe wakadiku ne kanyinganyinga bualu buebe, yeye wakakulelaku ne kanyinganyinga.

⁶Unteke mu mutshima webe bu tshimanyinu ne bu tshimanyinu ha diboko diebe; bualu bua dinanga didi ne bukole bua lufu; mukau udi ne bukole bua Muaba wa Bafue; udi utema bu ndimi ya kahia, bu kahia ka Yehowa mene.

⁷Misulu ya mai ya bungi kayena mimanye mua kujima dinanga, mai a bungi kaena mamanye mua kudifuisha mu mai; bikala muntu mushintakashe bintu bionso bia mu nsubu wandi ku dinanga, ne bamuhishe bikole.

⁸Tudi ne muakunyʼetu wa bakashi udi kayi muase mabele; netuenzele muakunyʼetu wa bakashi tshinyi dituku diamubangilabo?

⁹Bikaleye bu tshimanu tshia nsubu, netumuashileku tshibumba tshia tshiamu tshia argent; bikaleye bu tshibi tshia mu nsubu, netumubuikile ne mabaya a mitshi ya cèdre.

¹⁰Meme ndi bu tshimanu tshia nsubu, mabele anyi adi bu bibumba biatshi; nunku nakadi ku mesu kuandi bu muntu muhele dikisha.

¹¹Solomo wakadi ne budimi bua tumuma tukese mu Bâla-hamona, yeye wakafila budimi ebu mu bianza bia balami; muntu ne muntu wakadi ne bua kumufila tshinunu tshia biamu bia argent ku mamuma abu.

¹²Budimi buanyi, budi buanyi nkayanyi, budi ku mpala kuanyi; wewe Solomo neuhete tshinunu tshia biamu bia argent, ne balami ba mamuma nebahete nkama ibidi.

¹³Wewe udi mushikame mu bibunda, balunda bebe badi bateleja matshu ku dî diebe; udingunvuishe.

¹⁴Wanyi munanga, ulue lukasa; wikale bu kabuluku anyi bu lukungulu lua ntole ha mutu ha mikuna ya bintu bia muhuya muimpe.