Read tshiluba Yoshua 21 Bible Online

Yoshua 21 - tshiluba bible

Yoshua 21

¹Hashishe bakadi ku mutu kua meku a Bena Lewi bakalua kudi Eleazâ muakuidi, ne kudi Yoshua, muana wa Nuna, ne kudi bakadi ku mutu kua meku a Bena Isalele;

²bakabambila mu Shilo mu buloba bua Bena Kanâna ne, Yehowa wakela mukenji wandi kudi Mose bua kutuha misoko ya kushikamamu ne miaba ya kudishamu bimuna bietu.

³Bena Isalele bakaha Bena Lewi misoko ei ne miaba ei munkatshi mua buhianyi buabo bu muakadi dî dia Yehowa.

⁴Meku a Bena Kohata akangata tshiabo tshituha; bana ba Alona muakuidi, Bena Lewi mene mene, bakangata tshiabo tshituha munkatshi mua tshisamba tshia Yuda ne mu tshisamba tshia Shimeona ne mu tshisamba tshia Benyamina, bimenga dikumi ne bisatu.

⁵Bakuabo ba Bena Kohata bakangata tshiabo tshituha munkatshi mua meku a tshisamba tshia Efelayima ne mu tshisamba tshia Dana ne mu tshituha tshia tshisamba tshia Manashe, bimenga dikumi.

⁶Bena Gêshona bakangata tshiabo tshituha munkatshi mua meku a tshisamba tshia Yisakâ ne mu tshisamba tshia Ashê ne mu tshisamba tshia Nafatale ne mu tshituha tshia tshisamba tshia Manashe tshia mu Bashana, bimenga dikumi ne bisatu.

⁷Bena Melali ku meku abo bakangata tshiabo tshituha munkatshi mua tshisamba tshia Lubena ne mu tshisamba tshia Gada ne mu tshisamba tshia Zebuluna, bimenga dikumi ne bibidi.

⁸Bena Isalele bakaha Bena Lewi bimenga ebi ne miaba ya ku matshika bu muakambila Yehowa Mose.

⁹Bakabaha bimenga ebi biakatelabo mena munkatshi mua tshisamba tshia Bena Yuda ne mu tshisamba tshia Bena Shimeona;

¹⁰biakadi bia bana ba Alona ba mu meku a Bena Kohata, bakadi bana ba Lewi; tshituha tshiabo tshiakadi tshia kumudia.

¹¹Bakabaha Kîyata-âba, Aba wakadi tatu wa Anaka (udi tshimenga tshia Hebelone) ku mikuna ya Yuda ne miaba ya ku matshika idi mitshinyunguluke.

¹²Kadi bakaha Kaleba, muana wa Yefune, madimi adi ha buihi ne tshimenga ne misoko yatshi bu buhianyi buandi.

¹³Bakaha bana ba Alona muakuidi, Hebelone, tshimenga tshia kunyemenabo kudi mushihianganyi, ne miaba ya ku matshika, ne Libina ne miaba ya ku matshika,

¹⁴ne Yati ne miaba ya ku matshika, ne Eshetemo ne miaba ya ku matshika,

¹⁵ne Holona ne miaba ya ku matshika, ne Debî ne miaba ya ku matshika,

¹⁶Ayina ne miaba ya ku matshika, ne Yuta ne miaba ya ku matshika, ne Bete-shemeshe ne miaba ya ku matshika; bimenga tshitema munkatshi mua bisamba ebi bibidi.

¹⁷Mu tshisamba tshia Benyamina, Gibeona ne miaba ya ku matshika, ne Geba ne miaba ya ku matshika,

¹⁸Anatota ne miaba ya ku matshika, ne Alamona ne miaba ya ku matshika: bimenga binai.

¹⁹Bimenga bionso bia bana ba Alona bakuidi biakadi bimenga dikumi ne bisatu ne miaba yabi ya ku matshika.

²⁰Meku a Bena Kohata, Bena Lewi, bakashala, bakangata bimenga bia mu tshituha tshiabo tshia mu tshisamba tshia Efelayima.

²¹Bakabala Shekeme ne miaba ya ku matshika mu mikuna ya Efelayima, tshimenga tshia kunyemenamu, ne Gezê ne miaba ya ku matshika,

²²ne Kibesayima ne miaba ya ku matshika, ne Bete-holona ne miaba ya ku matshika; bimenga binai.

²³Munkatshi mua tshisamba tshia Dana, Eleteke ne miaba ya ku matshika, ne Gibetona ne miaba ya ku matshika,

²⁴Ayalona ne miaba ya ku matshika, Gata-limona ne miaba ya ku matshika: bimenga binai.

²⁵Munkatshi mua tshituha tshia tshisamba tshia Manashe, Tanaka ne miaba ya ku matshika, ne Gata-limona ne miaba ya ku matshika: bimenga bibidi.

²⁶Bimenga bionso biakashikama meku a Bena Kohata akashala biakadi dikumi ne miaba yabi ya ku matshika.

²⁷Bakaha bana ba Geshona ba mu meku a Bena Lewi bimenga bia munkatshi mua tshituha tshia tshisamba tshia Manashe: Golana wa mu Bashana ne miaba ya ku matshika, tshimenga tshia kunyemenabo kudi mushihianganyi, ne Bêshetela ne miaba ya ku matshika; bimenga bibidi.

²⁸Mu tshisamba tshia Yisakâ, Kishona ne miaba ya ku matshika, ne Dabelata ne miaba ya ku matshika,

²⁹Yâmuta ne miaba ya ku matshika, ne Ene-ganima ne miaba ya ku matshika: bimenga binai.

³⁰Mu tshisamba tshia Ashê, Mishala ne miaba ya ku matshika, ne Abidona ne miaba ya ku matshika,

³¹Halekata ne miaba ya ku matshika, ne Lehoba ne miaba ya ku matshika: bimenga binai.

³²Mu tshisamba tshia Nafatale, Kedeshe wa mu Galela ne miaba ya ku matshika, tshimenga tshia kunyemenabo kudi mushihianganyi, ne Hamata-dô ne miaba ya ku matshika, ne Kâtana ne miaba ya ku matshika; bimenga bisatu.

³³Bimenga bionso bia Bena Gêshona ku meku abo biakadi dikumi ne bisatu ne miaba yabi ya ku matshika.

³⁴Bakaha meku a Bena Melali, bakashala ba Bena Lewi, Yokenama ne miaba ya ku matshika, ne Kâta ne miaba ya ku matshika, munkatshi mua tshisamba tshia Zebuluna:

³⁵Dimana ne miaba ya ku matshika, ne Nahalala ne miaba ya ku matshika: bimenga binai.

³⁶Munkatshi mua tshisamba tshia Lubena: Besê ne miaba ya ku matshika, ne Yahasa ne miaba ya ku matshika,

³⁷Kedemota ne miaba ya ku matshika, ne Mefata ne miaba ya ku matshika: bimenga binai.

³⁸Munkatshi mua tshisamba tshia Gada: Lamota wa mu Gilada ne miaba ya ku matshika, tshimenga tshia kunyemenabo kudi mushihianganyi, ne Mahanayima ne miaba ya ku matshika,

³⁹Heshebona ne miaba ya ku matshika, ne Yazê ne miaba ya ku matshika: bimenga bionso binai.

⁴⁰Bimenga ebi bionso biakadi bia Bena Melali, bakashala ba mu meku a Bena Lewi, bimenga dikumi ne bibidi.

⁴¹Bimenga bionso bia Bena Lewi munkatshi mua buhianyi bua Bena Isalele biakadi bimenga makumi anai ne muanda mukulu ne miaba yabi ya ku matshika.

⁴²Bimenga ebi bionso biakadi ne miaba yabi ya ku matshika mibinyunguluke: bimenga bionso biakadi nunku.

⁴³Nunku Yehowa wakaha Bena Isalele buloba buonso buakalayeye bankambua babo; bakabunyenga, bakashikamamu.

⁴⁴Yehowa wakabaha dikisha ku nseke yonso bu muakalayeye bankambua babo; kakuakadi umue wa bena lukuna babo bonso wakamanya mua kubatantamena; Yehowa wakafua bena lukuna babo bonso mu bianza biabo.

⁴⁵Kabakahanga tshintu tshimpe tshimue tshiakalaya Yehowa Bena Isalele; bakaheta bintu ebi bionso.