Read tshwa Genesisi 3 Bible Online

Genesisi 3 - tshwa bible

Genesisi 3

¹A nyoka yi wa hi ni mano ku hunza zihari zontlhe za tiko, lezi Jehova Nungungulu a nga wa zi mahile. Yi ku ngalo ka wasati: Hakunene Nungungulu i wulile lezaku mu ngagi ni sinya yinwe ya simu ke?

²Ni wasati aku ngalo ka nyoka: Hi ngaga a mihanzu ya tisinya tontlhe,

³kanilezi a mihanzu ya sinya leyi yi nga xikari ka simu, Nungungulu i te ngalo, mu nga ta yiga, hambu ni ku yi henya, kasi mu ngafi.

⁴Ni nyoka yi ku ngalo ka wasati: Mu nga tafa futsi;

⁵hi lezaku Nungungulu wa zi tiva lezaku, a siku lego mu gako yona, a mahlo ya nwina ma ta vululeka, mu kota Nungungulu, mu tiva kusasa ni kubiha.

⁶A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. [8]

⁷Zonake a mahlo yabye vona vambiri ma lo vululeka, va wona lezaku a va ambalangi nchumu; va lo runga a matluka ya nkuwu, va maha tinguwo tabye.

⁸Va lozwa a gezu ga Jehova Nungungulu na a famba lomu sinwini laha gambyeni; a wanuna ni sati wakwe va lo fihlala lomu tisinyeni ta simu va chava nghohe ya Nungungulu.

⁹Na Jehova Nungungulu i lo vitana wanuna, aku ngalo kakwe: U kwihi ke?

¹⁰Yena aku ngalo: Nzi lozwa a gezu ga wena lomu sinwini, nzi lo chava hakuva a nzi ambalangi nchumu, nzi lo fihlala.

¹¹Na yena i te ngalo: U byelilwe hi mani ku ngalo a ku ambalangi nchumu ke? U gile sinya leyi nzi nga ku byelile lezaku u nga yigi ke?

¹²Ni wanuna i te ngalo: Hi wasati loyi u nzi nyikileko akuva zinwe na mina, hi yena a nga nzi nyika sinya nziga.

¹³Na Jehova Nungungulu aku ngalo ka wasati: U mahele yini lezi ke? Wasati aku ngalo: Hi nyoka yi nga nzi khohlisa, nziga.

¹⁴Na Jehova Nungungulu aku ngalo ka nyoka: Hakuva wena u mahileko lezi, u rukatelwe wena ku hunza zifuyo zontlhelele ni zihari zontlhelele za khwati; u ta famba hi rumbu ga wena uga tshuri masiku wontihe ya kuhanya ka wena.

¹⁵Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. [9]

¹⁶Ni ka wasati aku ngalo: Nzi ta ku engetela nguvu a kubayiseka ka wena laha u ta ngava ni rumbu; u ta beleka vanana hi kubayiseka; a kunavela ka wena ku taya ka nuna wa wena, na yena i ta ku fumela.

¹⁷Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; [10]

¹⁸yi ta ku milisela mizwa ni mahlehlo; u taga zibyalo za khwati.

¹⁹U taga zakuga hi nyuko wa nghohe ya wena, u kala u tlhelela misaveni; hakuva wena u humesilwe ka yona. Wena u tshuri, u ta tlhelela tshurini.

²⁰Ni wanuna i lo chula vito ga sati wakwe ku hi Eva, hi lezi a nga mamani wa vontlhe va hanyako.

²¹Jehova Nungungulu i lo va mahela a tinguwo ta madzowo, Adamu ni sati wakwe Eva, a va ambexa.

²²Jehova Nungungulu aku ngalo: Languta, munhu i hunzukile, i kota hina a kutiveni ka kusasa ni kubiha; ku nga taku a nawuluta a canja gakwe a khaya sinya ya wutomi aga, a hanya kala kupinzuka.

²³Jehova Nungungulu i lo mu humesa lomu sinwini ga Edeni, kasi a ya rima misava leyi a nga humeswa ka yona.

²⁴I lo mu hlongola Adamu; i lo yimisa a makerubima hi le Mutsuwuka-gambo wa simu ga Edeni, ni supado yi karihako matlhelo wontihe, kasi ku rinzela a ndlela ya sinya ya wutomi. [11]