Read tshwa Genesisi 4 Bible Online

Genesisi 4 - tshwa bible

Genesisi 4

¹Adamu i lo tiva Eva sati wakwe, na yena i lo xura nyimba, a beleka Kana, i te ngalo: Nzi kumile munhu hi kuvuna ka Jehova.

²I lo engeta a beleka Abeli nakulobye. Abeli i lo maha murisi wa tiyivu; kanilezi Kana i lova murimi wa mi

³Kute hi nzhako ka masiku yo kari, Kana i lo neha mihanzu ya misava akuva munyikelo ka Jehova.

⁴Na Abeli i lo neha a matewula ya tiyivu takwe, leyi yi nonileko. Jehova i lo xalala ha Abeli ni munyikelo wakwe; [12]

⁵kanilezi a nga xalalangi ha Kana ni munyikelo wakwe. Na Kana i lo zangara nguvu, ni nghohe yakwe yi lo tsuva.

⁶Jehova aku ngalo ka Kana: U zangarela yini ke? hi yini a nghohe ya wena yi tsuvileko ke?

⁷Loku u maha khwatsi u nga ta tlakuswa ke? kanilezi loku u nga mahi khwatsi a xionho xi xiyelela nyangwe-ni, kuxuva ka xona ku ta kuva ka wena; kanilezi wena u ta xi fumela. [13]

⁸Na Kana i lo wulawula na Abeli nakulobye; na ku mahisile lezo, laha na va hi lahandle, Kana i lo vukela Abeli nakulobye, a mu daya.

⁹Jehova aku ngalo ka Kana: I kwihi Abeli nakuloni? Yena aku ngalo: A nzi mu tivi; hi mina muhlayisi wa nakulori ke?

¹⁰Jehova aku ngalo: U mahile yini ke? A gezu ga nkhata wa nakuloni gi rilile misaveni gita ka mina.

¹¹Makunu u rukatelwe misaveni leyi yi ahlamileko a nomu wa yona yi amukela a nkhata wa nakuloni a mandleni ya wena.

¹²Laha u ta nga rima, a misava yi nga ta ha nyika mihanzu hi ntamu wa yona; u tava mupepetseki ni mufambafambi laha misaveni.

¹³Na Kana aku ngalo ka Jehova: A xitsayiso xa mina xa hombe ku hunza a ntamu wa mina.

¹⁴Languta, u nzi hlongole nyamutlha a nghoheni ya misava; nzi ta fihlala a nghoheni ya wena; nzi tava mupepetseki ni mufambafambi misaveni; ku taku kani himani a nzi kumako a nzi daya.

¹⁵Jehova aku ngalo ca yena: Ku taku kani himani a dayako Kana, Kana i ta photelwa hi ka ntlhanu ni kumbiri. Na Jehova i lo veka a xiwoniso ka Kana xakuva va nga mu dayi lavo va mu kumako.

¹⁶Kana i lo suka mahlweni ka Jehova, a ya tshama tikweni ga le Node, hi le Mutsuwuka-gambo wa Edeni.

¹⁷Kana i lo tiva sati wakwe; i lo xura nyimba, a beleka Enoki. Anzhako ka lezo i lo aka muti, a chula vito ga muti a vito ga nʼwana wakwe Enoki.

¹⁸Enoki i lo beleka Irade; Irade i lo beleka Mehujaeli: Mehujaeli i lo beleka Metuxaeli: Metuxaeli i lo beleka Lameki.

¹⁹Na Lameki i lo teka vasati vambiri: a vito ga munwe hi Ada, ni vito ga munwani hi Zila.

²⁰Na Ada i lo beleka Jabale: loyi a ngava raru wa lava va tshamako lomu matendeni va fuya tihomu.

²¹A vito ga makabye wakwe hi Jubale: yena i raru wa lava va bako magubhu ni tinanga.

²²Na Zila i lo beleka Tubal-kaini, loyi a nga hi mufuli wa zontlhe zo kariha, za ziketse ni za suku. Ni makabye wa xisati wa Tubal-kaini i wa hi Naama.

²³Na Lameki aku ngalo ka vasati vakwe, Ada na Zila: Zwanani gezu ga mina! Nwina vasati va Lameki, zwanani kuwulawula ka mina! Nzi dele munhu hilezi a nga nzi balesa, ni jaha hakuva gi nga nziba.

²⁴Loku Kana a photelwa hi ntlhanu ni kumbiri, Lameki yena i ta photelwa hi ka 70.

²⁵Na Adamu i lo engeta a tiva a sati wakwe; i lo beleka a nisanyana, a no chula vito gakwe ku hi Sete, aku ngalo: Hakuva Nungungulu i nzi yimisele yinwani mbewu matshanweni ya Abeli loyi a nga dawa hi Kana.

²⁶Yenawu Sete i lo beleka nisanyana, i lo mu chula vito gakwe ku hi Enoxi. Hi xikhati lexo a vanhu va lo sangula ku khozela Jehova.