Read tshwa Genesisi 46 Bible Online

Genesisi 46 - tshwa bible

Genesisi 46

¹Israeli i lo suka ni zontlhe lezi a nga wa hi nazo; i lo chikela Berexeba, a phahlela ka Nungungulu wa Isaka, a raru wakwe.

²Nungungulu i lo wulawula na Israeli hi muwoniso wa wusiku, aku: Jakobe, Jakobe! Yena i lo hlamula aku: Hi mina loyi!

³Aku: Hi mina Nungungulu, Nungungulu wa raru wa wena; u nga chavi ku rura uya Gipite, hakuva leyo nzi ta ya ku maha a tiko ga hombe.

⁴Mina nzi ta relela zinwe na wena le Gipite, hakunene, nzi ta tlhela kambe nzi ku kanzihisa nzi ku neha leno; Josefa i ta vala a mahlo ya wena kufeni ka wena.

⁵Jakobe i lo suka le Berexeba; a vana va Israeli va lo fambisa Jakobe a dadani wabye, ni vana vabye, ni vasati vabye hi tikareta leti Faro a nga wa ti rumele ku ya va rwala.

⁶Va lo teka ni mitlhambi yabye, ni nhunzu leyi va nga wa hi nayo tikweni ga le Kanani, va lo komama Gipite, Jakobe ni pswalo wakwe wontihe.

⁷A vana vakwe ni vazukulu vakwe ni vanhwana vakwe, vazukulu vakwe va xisati, ni pswalo wakwe wontihe, va loya Gipite.

⁸Laya hi mavito ya vanana va Israeli, lava va ngaya Gipite: Jakobe ni vana vakwe:— matewula ya Jakobe hi Rubeni.

⁹A vana va Rubeni: Hanoki, na Palu, na Hezroni; na Karmi.

¹⁰A vana va Simoni: Jemueli, na Jeminia, na Ohade, na Jakina, na Zohare, na Xaule, a nʼwana wa wasati wa muKanani.

¹¹A vana va Levi: Gerxoni, na Kehate, na Merari.

¹²A vana va Juda: Ere, na Onani, na Xela, na Perezi, na Zera; kanilezi Ere na Onani va fele tikweni ga le Kanani. A vana va Perezi ku wa hi Hezroni na Hamule.

¹³A vana va Isakare: Tola, na Puva, na Joba, na Ximroni.

¹⁴A vana va Zebuloni: Serede, na Eloni, na Jalela.

¹⁵Lava hi vana va Lea, lava a nga beleka ka Jakobe, na va ha hi Padanaramu, na Dina, a nhanyana wa Jakobe; vontlhe a vanana vakwe, a varisanyana ni vanhanyana, va wa hi 33.

¹⁶A vana va Gadi: Zifoni, na Hagi, na Xuni, na Ezboni, na Eri, na Arodi, na Areli.

¹⁷A vana va Axeri: Imna, na Yixva, na Yixvi, na Beria, na Sera, a makabye wa xisati. A vana va Beria ku wa hi Heberi, na Malkieli.

¹⁸Lava hi vanana va Zilpa, loyi Labani a nga mu nyikela ka Lea, a nʼwana wakwe; i lo beleka ka Jakobe 16 wa vanana.

¹⁹A vana va Rakeli, a kata Jakobe: Hi Josefa na Benjamini.

²⁰Le tikweni ga Gipite, Josefa i belekile Manasse, na Efraime, vo pswaliwa hi Asenate, nʼwana Potifera, a mupristi wa le Oni.

²¹A vana va Benjamini: Bela, na Bekera, na Axbeli, na Gera, na Namani, na Ehi, na Roxa, na Mupima, na Hupami, na Arda.

²²Lava hi vana va Rakeli, lava a nga beleka ka Jakobe; vontlhe va wa hi 14.

²³A nʼwana wa Dani ku wa hi Huximu.

²⁴A vana va Naftali: Jehezeli, na Guni, na Jezera, na Xilema.

²⁵Lava hi vana va Bilha, loyi Labani a nga mu nyikela ka Rakeli, a nʼwana wakwe; i lo beleka ka Jakobe a vanana lava; vontlhe va wa hi ntlhanu ni vambiri.

²⁶Vontlhe vanhu lava va nga famba Gipite zinwe na Jakobe, lava va humileko hi lomu xiwunwini xakwe, va wa hi 66 wa mihefemulo, ahandle ka vasati va vana va Jakobe.

²⁷Makunu a vana va Josefa, lava va nga belekiwa le Gipite, va wa hi vambiri. Vontlhe vanhu va Jakobe lava va ngaya le Gipite, va wa hi 70 wa mihefemulo. [56]

²⁸Jakobe i lo ruma Juda ku ranga mahlweni, a kuya ka Josefa, kasi a ya mu kombisa a ndlela ya kuya le Goxeni. Zonake va lo chikela tikweni ga Goxeni.

²⁹Zonake Josefa i lo bohelela a kareta yakwe, i lo kanzihaa ku ya khinga Israeli a raru wakwe le Goxeni. Laha na a chikele kakwe, i lo wela nhanweni yakwe, a rila lomu nhanweni ya raru wakwe xikhati xo leha.

³⁰Israeli aku ka Josefa: Ku enele a kuva nzifa, lezi nzi wonileko a nghohe ya wena, na u kari u hanya.

³¹Josefa aku ka vanakulobye ni vontlhe va ngango wa raru wakwe: Nza tlhela nzi ya bikela Faro, nzi ta yaku ngalo kakwe: A vanakulori ni yontlhe nghamu ya dadani, lava Va tako hi le tikweni ga Kanani, va chikele ka mina.

³²Vona mbarisi, hakuva a ntiro wabye hi ku risa mitlhambi, va tile ni tiyivu tabye ni tihomu tabye, ni yontlhe nhunzu leyi va nga nayo.

³³Kasi loku Faro a mu vitana, a ta mu wutisa, ku ngalo: Mitiro ya nwina nja yini ke?

³⁴Nwina mu taku ngalo ka yena: Malanza ya wena mbarisi, kusukela wunwananeni kala lezi, hina ni vararu va hina. Hi kona mu ta ngaya aka le Goxeni, hakuva vontlhe varisi va mitlhambi zinyenyeko lomu Gipite. [57]