Read tshwa Genesisi 8 Bible Online

Genesisi 8 - tshwa bible

Genesisi 8

¹Na Nungungulu i lo alakanya Noa, ni zihari zontlhe, ni zifuyo zontlhe zi nga hi lomu tarwini; na Nungungulu i lo maha mheho yi pupuxa hehla ka misava, kasi a mati ma bohla.

²Ku lo valwa zibuka za ndengelenge ni tinyangwa ta tilo, yi khawula a vula ya le tilweni.

³A mati ma lo simama kupswha laha misaveni: hi lenzhako ka 150 wa masiku a mati ma lopswha.

⁴Zonake hi hweti ya wuntlhanu ni timbiri, hi siku ga wuntlhanu ni mambiri ya hweti, a taru gi lo chekama le zitsungeni za Ararate.

⁵A mati ma lo simama mapswha, kala ku woneka a hweti ya wukhume. Hi ka hweti ya wukhume, ka siku ga kusangula ga hweti, ku lo sangula ku woneka magumo ya zitsunga.

⁶Zonake hi nzhako ka 40 wa masiku, Noa i lo vulula a njhanela ya taru leyi a nga wa yi mahile.

⁷I lo humesa a xikunguwa, xi lo simamisa xi khiringela kala a mati mapswha laha misaveni.

⁸I lo engeta a humesa tuva, kasi ku wona loku a mati ma pswhile misaveni.

⁹Kanilezi a tuva a gi kumangi kuhumula ka konzo wa gona, gi lo wuya ka yena lomu tarwini, hakuva a mati ma wa hi kona a hehla ka misava yontlhe. I lo nawuluta a canja gakwe, a gi amukela, a gi enghenisa ka yena lomu tarwini.

¹⁰I lo engeta a tshama kambe ntlhanu wa masiku ni mambiri, a engeta a gi humesa tuva lomu tarwini.

¹¹A tuva gi lo tlhelela ka yena laha gambyeni; languta, gi wa hi ni tluka go nyuka ga nkuwu lomu nonwini wa gona: zonake Noa i lo zi tiva lezaku a mati ma pswhile misaveni.

¹²I lo engeta a tshama kambe masiku ya ntlhanu ni mambiri; a humesa a tuva, a gi nga ha engetangi gi wuya ka yena.

¹³Zonake hi lembe ga 601, hi hweti yo sangula, hi siku go sangula ga hweti, a mati ma wa pswhile misaveni; Noa i lo susa a langwa la taru, i lo cuwuka, a wona lezaku a misava yi womile.

¹⁴Hi hweti ya wumbiri, hi siku ga 27 ga hweti, ni misava yi wa womile yontlhe.

¹⁵Nungungulu i lo wulawula ka Noa, aku:

¹⁶Humani tarwini, wena ni sati wa wena, ni vana va wena, ni vasati va vana va wena.

¹⁷Humesa zihari zontlhe lezi zi nga ha hi zinwe na wena za nyama yontlhelele, a zinyanyani, zifuyo, ni zilo zontlhe zi makanyako misaveni a zi tale laha misaveni, zi pswala zi anza.

¹⁸Na Noa i lo huma ni vana vakwe, ni sati wakwe, ni vasati va vana vakwe.

¹⁹Zihari zontlhe, ni zikokakoka zontlhe, ni tinyanyani tontlhe, zontlhe zi fambako misaveni hi tixaka ta zona zi lo huma lomu tarwini.

²⁰Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.

²¹Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. [21]

²²Kala magumeso ya misava ku nga ta khawula kurima, ni kutshovela, ni xirami ni kuhisa, ximumu ni wuxika, a siku ni wusiku.