Read tshwa 2 Tihosi 20 Bible Online

2 Tihosi 20 - tshwa bible

2 Tihosi 20

¹Masikwini walawo Hezekia i wa babya ga mahati. Muprofeti Isaya nʼwana Amozi i lota kakwe, a taku: Jehova i ngalo: Longisela a zilo za yindlu ya wena, hakuva u tafa, u nga ta hanya. [60]

²Zonake Hezekia i lo hunzuluka a cuwuka le khurisini a khongela ka Jehova, aku:

³Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

⁴Na Isaya a nga se chikela xikari ka muti, a gezu ga Jehova gi lota kakwe gi taku:

⁵Tlhela uya ka Hezekia, a murangeli wa vanhu va mina, u yaku kakwe: Jehova Nungungulu wa dadani wa wena Davida, i ngalo: Nzi zwile mukhongelo wa wena, nzi wonile mihloti ya wena; nzi ta ku hanyisa. Hi siku ga wunharu u ta kanziha uta ndlwini ya Jehova.

⁶Ni kambe nzi ta engetela a masiku ya wena hi 15 wa malembe, nzi ku tlhatlhisa mandleni ya hosi ya Asiria, wena ni muti lowu; a muti lowu nzi ta wu vikela hi kota ya vito ga mina ni kota ya nanza ga mina Davida.

⁷Isaya i te ngalo: Tekani a xikhekhetselo xa makuwu. Va lo xi teka va xi bohelela laha ka xilonza, Hezekia a kalamuka.

⁸Hezekia i te ngalo ka Isaya: Hi xihi a xikombiso xaku Jehova i ta nzi hanyisa, ni lezaku nzi ta kanziha nziya ndlwini ya Jehova hi siku ga wunharu ke?

⁹Isaya i lo hlamula, aku: A xikombiso lexi u nyikilweko hi Jehova hi leʼxaku Jehova i ta maha lezi a zi wulileko, zaku: Xana a nzhuti wu taya mahlweni hi 10 wa zikanzihelo kutani ku tlhela nzhako hi 10 wa zikanzihelo ke?

¹⁰Hezekia i lo hlamula, aku: Za hehuka ka nzhuti a kuya mahlweni hi 10 wa zikanzihelo, kasike ngha wu tlhela nzhako hi 10 wa zikanzihelo.

¹¹Muprofeti Isaya i lo vitana ka Jehova, zonake Jehova i lo tlhelisa a nzhuti hi 10 wa zikanzihelo laha zikanzihelweni za ka Ahaza lezi a nzhuti wu zi hunzileko.

¹²Xikhatini xwalexo Berodaki-Baladani nʼwana Baladani a hosi ya le Babuloni, i lo rumela a papilo ni zinyikiwo ka Hezekia, hakuva i wa zwile lezaku i wa babya.

¹³Hezekia i lo ingisa mitsumi leyi yi rumilweko, a va kombisa yontlhe yindlu leyi yi nga hi ni titshomba takwe, a nzalama ni siliva, ni makha, ni mafura yo nuhela, ni wontihe matlhari yakwe, ni yontlhe tshomba yakwe, a nga siyi nchumu lomu ndlwini yakwe ni mufunweni wakwe wontihe xa kuva a nga va kombangiko.

¹⁴Zonake muprofeti Isaya i loya ka hosi Hezekia a yaku kakwe: A vanhu lava va tileko laha ka wena va wula yini, vata hi kwihi? Hezekia i lo hlamula, aku: Vata hi le tikweni ga le kule, le Babuloni.

¹⁵Yena aku: Xini va nga xi wona lomu ndlwini ya wena ke? Hezekia aku: Va wonile zontlhe za lomu ndlwini ya mina; ku hava nchumu xikari ka tshomba ya mina nzi nga va kombangiko.

¹⁶Isaya i te ngalo ga Hezekia: Zwanake a gezu ga Jehova!

¹⁷Languta a masiku mata lawa zontlhe lezi zi nga lomu ndlwini ya wena ni zontlhe lezi a vararu va wena va hlengeleteleko kala nyamutlha zi ta nga yisiwa Babuloni, ku nga sali ni nchumu, ku wula Jehova.

¹⁸Va ta teka ni vana va wena lava va humako hi ka wena, va maha malanza lomu ndlwini ya hosi ya le Babuloni.

¹⁹Zonake Hezekia i te ngalo ka Isaya: A gezu lego Jehova a gi wulileko gi nene! A engeta aku: Xana ku nga tava kona kurula ni kutshameka xikari ka vanhu masikwini ya kuhanya ka mina ke?

²⁰A yinwani mitiro ya Hezekia ni wunhenha gakwe gontlhe ni lezi a mahisileko zona a milonga ni mativa a neha mati lomu mutini, zi tsalilwe lomu bhukwini ga Matimu ya tihosi ta ka Juda.

²¹Hezekia i lo etlela zinwe ni vararu vakwe. A nʼwana wakwe Manasa i lo fuma xikhundleni xakwe.