Read tshwa 1 Kronekele 4 Bible Online

1 Kronekele 4 - tshwa bible

1 Kronekele 4

¹A vana va Juda: Perezi, na Hezroni, na Karmi, na Hura, na Xobala.

²Reaia nʼwana Xobala i lo beleka Jahate, Jahate a beleka Ahumai, na Lahada. Leyi hi mingango ya maZoarate.

³Lava hi vana va Abi-Etama: Jezreeli, na Ixma, na Idbaxa; a vito ga makabye wabye i wa hi Hazzelelponi.

⁴Penueli i wa hi raru wa Gedera, Ezeri i wa hi raru wa Huxa. Lava hi vana va Hura; a matewula wa Efrata, a raru wa Betlehema.

⁵Axhura a raru wa Tekoa i wa hi ni vasati vambiri, Hela na Naara.

⁶Naara i lo mu psalela Ahuzzama, na Hefera, na Temeni, na Haahaxtari. Lava hi vana va Naara.

⁷A vana va Hela: Zereta, na Izhare, na Etnane.

⁸Hakkoza i lo beleka Anuba, na Zobeba, ni mingango ya ka Aharheli nʼwana Haruma.

⁹Jabeza i wa dzunziwa nguvu ku hunza vanakulobye. A nyine wakwe i lo mu chula vito ga Jabeza, na aku: Nzi mu pswalile hi hlomulo.

¹⁰Jabeza i lo khongela ka Nungungulu wa ka Israeli, aku: Loku u wa nzi katekisa, u engetela a mimbhingano ya mina, a canja ga wena giva zinwe na mina, u nzi vikela ka lezi zi bihileko, kasi nzi nga kumi hlomulo! Nungungulu i lo mu nyika lezi a zi kombeleko.

¹¹Kelube a nakulobye wa Xuha i lo beleka Mehira, loyi a nga raru wa Extoni.

¹²Extoni i lo beleka Bet-Rafa, na Pasea, na Tehinna a raru wa ngango wa Nahaxe. Lava hi vanhu va le Reka.

¹³A vana va Kenazi, Otnieli na Seraia. A nʼwana wa Otnieli hi Hatati.

¹⁴Meonotai i lo beleka Ofra; Seraia a beleka Joabe a raru wa Geharaxima, hakuva va wa hi vavatli.

¹⁵A vana va Kalebi nʼwana Jefuna: Iru, na Ela, na Naama, ni vana va Ela, na Kenazi.

¹⁶A vana va Jehalelela: Zife, na Zifa, na Tiria, na Asareli.

¹⁷A vana va Ezra: Jetera, na Merede, na Eferi, na Jaloni; i lo beleka Miriamu na Xammai, na Ixba a raru wa Extemoa.

¹⁸A sati wakwe wa muJuda i lo beleka Jerede, a raru wa Gedora na Hehera a raru wa Soko, na Jekutieli a raru wa Zanoa. Kanilezi a vanwani va wa hi vana va Bitia nʼwana Faro, loyi a nga wa tekilwe hi Meredi.

¹⁹A vana va sati wa Hodia makabye wa Nahama: hi raru wa Keila, a muGarmate, na Extemoa a muMaakate.

²⁰A vana va Ximoni: Amnoni, na Rinna, na Ben-Hanani, na Tilona. A vana va Ixi: Zohate na Ben-Zohate.

²¹A vana va Xela a nʼwana Juda: Era, a raru wa Leka, na Laada a raru wa Marexa, ni mingango ya tiyindlu ta lava va nga wa luka wukene, va yindlu ya ka Axbea;

²²na Jokimu, ni vanhu va le Kozeba, na Joaxi, na Sarafa loyi a nga wa fumile tikweni ga le Moabi, na Jaxubi-lehema. Leti timhaka ta kale.

²³Lava va wa hi vawumbi va nga wa akile le Netaime ni Gedera; va lo aka ni hosi, va yi tirela.

²⁴A vana va Simeoni: Nemueli, na Jamina, na Jariba, na Zera, na Xaule;

²⁵Xalluma nʼwana Xaule, Mibsamu nʼwana wakwe, Mixma nʼwana wakwe.

²⁶A vana va Mixma hi Hammueli nʼwana wakwe, Zekura nʼwana wakwe, Ximei nʼwana wakwe.

²⁷Ximei i wa hi ni 16 wa vana ni 6 wa vanhanyana; kanilezi a vanakulobye va wa nga hi na vana vo tala; hambu ni mingango yabye a yi enzelekangi ku kota ya va ka Juda.

²⁸Va wa akile le Berexeba ni le Molada ni le Hazara-Xuala,

²⁹ni le Bilha, ni le Ezema, ni le Tolada,

³⁰ni le Betulei, ni le Horma, ni le Ziklagi,

³¹ni le Bet-Markabote, ni le Hazara-Susima, ni le Bet-biri, ni le Xaraime. Leyi hi miti yabye kala xikhatini xa kufuma ka Davida.

³²A zimitana zabye ku wa hi Etama, ni Aini, ni Rimoni, ni Tokeni, ni Axani; ntlhanu wa miti,

³³ni yontlhe a mitana yabye leyi yi nga wa hi kusuhani ni miti leyi kala le Baali. Loku hi kuaka kabye ni tinyangwa tabye.

³⁴Mexobaba, na Jamleka, na Joxa, a nʼwana wa Amazia,

³⁵na Joeli, na Jehu nʼwana Joxibia wa Seraia wa Asieli,

³⁶na Elioenai, na Jaakoba, na Jexohaia, na Asaya, na Adieli, na Jesimieli, na Benaia,

³⁷na Ziza nʼwana Xifi wa Alloni wa Jedaia wa Ximri wa Xemaia.

³⁸Lava va kumbukilweko hi mavito yabye va wa hi tihosana lomu tinyangweni tabye; ni tiyindlu ta vararu vabye ti enzelekile nguvu.

³⁹Vona va loya tlhelo ga Gedora kala va chikela tlhelo ga Mutsuwuka-gambo wa nkova, na va lava wuriselo ga mitlhambi yabye.

⁴⁰Va lo ya kuma a wuriselo go nona ga byanyi gi nene, ni tiko ga hombe gi anamileko matlhelo wontihe, a tiko go rula, hakuva a vaaki va gona vo ranga va wa hi va lixaka la ka Hamu.

⁴¹A xikhatini xa Hezekia a hosi ya ka Juda, a vanhu lava va tsalilweko hi mavito yabye, va lota va ta hlasela matenda yabye, ni vaMenuime lava va nga wa akile lomo, va lo va lovisa vaku bhi kala lezi; zonake va lo aka matshanwini yabye, hakuva lomo ku wa hi ni wuriselo ga mitlhambi yabye.

⁴²A vanwani vabye, a vana va Simeoni, va 500 wa vavanuna va lota xitsungeni xa Seira na rangelwa hi Pelatia, na Nearia, na Refaia, na Uzieli, a vana va Ixi.

⁴³Va lo ta hlasela a vaAmaleki lava va nga wa sele, va aka lomo kala nyamutlha.