Read tshwa 1 Kronekele 6 Bible Online

1 Kronekele 6 - tshwa bible

1 Kronekele 6

¹A vana va Levi: Gerxoni, na Kohate, na Merari.

²A vana va Kohate: Amramu, na Izhare, na Hebroni, na Uzieli.

³A vana va Amramu: Aroni, na Mosi, na Miriamu. A vana va Aroni: Nadabe, na Abihu, na Eliazare, na Itamare.

⁴Eliazare i lo beleka Fineasi, Fineasi a beleka Abixua;

⁵Abixua a beleka Buki, Buki a beleka Uzzi;

⁶Uzzi a beleka Zerahia, Zerahia a beleka Meraiote;

⁷Meraiote a beleka Amaria, Amaria a beleka Ahituba;

⁸Ahituba a beleka Zadoke, Zadoke a beleka Ahimaze;

⁹Ahimaze a beleka Azaria, Azaria a beleka Johanani;

¹⁰Johanani a beleka Azaria loyi a nga wa hi mupristi lomu ndlwini leyi Solomoni a nga wa akile le Jerusalema.

¹¹Azaria i lo beleka Amaria, Amaria a beleka Ahituba;

¹²Ahituba a beleka Zadoke, Zadoke a beleka Xalluma;

¹³Xalluma a beleka Hilkia, Hilkia a beleka Azaria;

¹⁴Azaria a beleka Seraia, Seraia a beleka Jehozadaki;

¹⁵Jehozadaki a khomiwa a mahiwa khumbi xikhati lexo Jehova a nga wa khomile va ka Juda ni va le Jerusalema, a va yisa wukhumbini hi canja ga Nebukadnezzare.

¹⁶A vana va Levi: Gerxoni, na Kohate, na Merari.

¹⁷Lawa hi mavito ya vana va Gerxoni: Libni, na Ximei.

¹⁸A vana va Kohate: Amramu, na Izhare, na Hebroni, na Uzieli.

¹⁹A vana va Merari: Mali, na Muxi. Leyi hi mingango ya ka Levi hi tiyindlu ta vararu vabye.

²⁰Ya ka Gerxoni: Libni nʼwana wakwe, Jahate nʼwana wakwe, Zimna nʼwana wakwe;

²¹Joa nʼwana wakwe, Iddo nʼwana wakwe, Zera nʼwana wakwe, Jeaterai nʼwana wakwe.

²²A vana va Kohate: Aminadaba nʼwana wakwe, Kora nʼwana wakwe, Assira nʼwana wakwe;

²³Elkana nʼwana wakwe, Ebiasafa nʼwana wakwe, Assira nʼwana wakwe;

²⁴Tahate nʼwana wakwe, Urieli nʼwana wakwe, Uzzia nʼwana wakwe, Xaule nʼwana wakwe;

²⁵A vana va Elkana: Amasai na Ahimote.

²⁶Elkana nʼwana wakwe, Elkana-Zofai nʼwana wakwe, Nahate nʼwana wakwe;

²⁷Eliabe nʼwana wakwe, Jerohamu nʼwana wakwe, Elkana nʼwana wakwe;

²⁸A vana va Samueli: a matewula hi Joeli, a nzisana hi Abija.

²⁹A vana va Merari: Mali, Libni nʼwana wakwe, Ximei nʼwana wakwe, Uzza nʼwana wakwe;

³⁰Ximea nʼwana wakwe, Hagia nʼwana wakwe, Asaia nʼwana wakwe.

³¹Hi vona lava Davida a nga wa va yimisile ku yimbelela lomu ndlwini ya Jehova, kusukela xikhati lexi a arke gi nga kumile kutshameka.

³²Va lo khozela hi kuyimbelela mahlweni ka tenda ga Tabernakele ga mutlhangano, kala xikhati lexo Solomoni a nga aka a yindlu ya Jehova lomu Jerusalema; va lo khozela hi nongoloko va nayo lowu wu yimisilweko.

³³Lava hi vona va khomileko a ntiro lowu ni vana vabye. Xikari ka vana va Kohate: Hemani a muyimbeleli, a nʼwana Joeli, nʼwana Samueli,

³⁴nʼwana Elkana, nʼwana Jehoramu, nʼwana Elieli, nʼwana Toa,

³⁵nʼwana Zufa, nʼwana Elkana, nʼwana Mahate, nʼwana Amasai,

³⁶nʼwana Elkana, nʼwana Joeli, nʼwana Azaria, nʼwana Zefania,

³⁷nʼwana Tahate, nʼwana Assira, nʼwana Abiasafa, nʼwana Kora,

³⁸nʼwana Izhare, nʼwana Kohate, nʼwana Levi, nʼwana Israeli.

³⁹Ni nakulobye Asafa loyi a nga wa yimile canjeni gakwe ga xinene: Asafa nʼwana Berekia wa Ximea,

⁴⁰nʼwana Mikaeli, nʼwana Baaseia, nʼwana Malkija,

⁴¹nʼwana Etni, nʼwana Zera, nʼwana Adaia,

⁴²nʼwana Etane, nʼwana Zimma, nʼwana Ximei,

⁴³nʼwana Jahate, nʼwana Gerxomi, nʼwana Levi.

⁴⁴A vanakulobye, a vana va Merari, lava va nga yima hi le xibhabheni: Etane nʼwana Kixi, nʼwana Abdi, nʼwana Matluka,

⁴⁵nʼwana Haxabia, nʼwana Amazia, nʼwana Hilkia,

⁴⁶nʼwana Amzi, nʼwana Bani, nʼwana Xemera,

⁴⁷nʼwana Mali, nʼwana Muxi, nʼwana Merari, nʼwana Levi.

⁴⁸A vanakulobye, a va ka Levi, va wa yimiselwe a ntiro wontihe wa yindlu ya Nungungulu.

⁴⁹Kanilezi Aroni ni vana vakwe ya lo tira a ntiro wa alati ga munyikelo wa kuhiswa, ni wa alati ga tibani, va tira ntiro wontihe wa wutshamu ga ku basabasa, va phahlela miphahlo ya va ka Israeli khwatsi hi lezi Mosi a nanza ga Jehova a leleteleko zontlhe.

⁵⁰Lava hi vana va Aroni: Eleazare nʼwana wakwe, Fineasi nʼwana wakwe, Abixua nʼwana wakwe,

⁵¹Buki nʼwana wakwe, Uzzi nʼwana wakwe, Zerahia nʼwana wakwe,

⁵²Meraiote nʼwana wakwe, Amaria nʼwana wakwe, Ahituba nʼwana wakwe,

⁵³Zadoke nʼwana wakwe, Ahimaaza nʼwana wakwe.

⁵⁴Makunu lawa hi matshamu ya kuaka kabye, matikweni yabye: A vana va Aroni va yindlu ya ka Kohate, hakuva hi vona va nga hlawuliwa hi hlolo kuranga,

⁵⁵va lo nyikiwa Hebroni le tikweni ga ka Juda, ni matikwana ya kona ma renzetekelako.

⁵⁶Kanilezi a masimu ya muti ni zimitana za kona, zi lo nyikiwa Kalebi nʼwana Jefune.

⁵⁷A vana va Aroni va lo nyikiwa a miti ya wuchavelo: Hebroni, Libna zinwe ni matikwana ya kona, ni Jattira ni Extimoa zinwe ni matikwana ya kona,

⁵⁸na Hileni xinwe ni matikwana ya kona, Debira zinwe ni matikwana ya kona,

⁵⁹na Axani zinwe ni matikwana ya kona, ni Bete-Xemexe zinwe ni matikwana ya kona.

⁶⁰A nyangwa ya ka Benjamini, Geba ni matikwana ya kona, ni Allemete zinwe ni matikwana ya kona, Anatote zinwe ni matikwana ya kona. Yontlhe miti yabye hi mingango yabye yi wa hi 13.

⁶¹A vanwani vana va Kohate lava va seleko va lo nyikwa a 10 wa miti hi kuxungeta ka hlolo, a miti leyi yi nga lomu ka mingango, ni ka khihlanya ga nyangwa ya ka Manasa.

⁶²A vana va ka Gerxomi hi mingango yabye, va lo nyikwa 13 wa miti leyi yi nga lomu ka nyangwa ya ka Isakari, ni lomu ka nyangwa ya ka Axeri, ni lomu ka nyangwa ya ka Naftali, ni lomu ka nyangwa ya ka Manasa, le Baxani.

⁶³A vana va Merari va lo nyikwa 12 wa miti hi kuxungeta ka hlolo, leyi yi nga lomu ka nyangwa ya ka Rubeni, ni lomu ka nyangwa ya ka Gadi, ni lomu ka nyangwa ya ka Zebuloni.

⁶⁴A va ka Israeli va lo nyika va ka Levi a miti ni matikwana ya kona.

⁶⁵Va lo va nyika hi kuxungeta ka hlolo a miti leyi va yi wulileko hi mavito ya kona, leyi yi nga lomu ka nyangwa ya va ka Juda, ni lomu ka nyangwa ya va ka Simeoni, ni lomu ka nyangwa ya va ka Benjamini.

⁶⁶A mingango yinwani ya vana va ka Kohate, leyi yi nyikilweko a miti ya tiko gabye lomu ka nyangwa ya ka Efraime.

⁶⁷Va lo nyikwa a miti ya wuchavelo le zitsungeni za ka Efraime, wu nga wona wa Xekemi ni matikwana ya kona, ni Gezera ni matikwana ya kona,

⁶⁸ni Jokmeame ni matikwana ya kona, ni Bet-Horoni ni matikwana ya kona,

⁶⁹ni Aijaloni ni matikwana ya kona, ni Gat-Rimoni ni matikwana ya kona.

⁷⁰Ni lomu ka khihlanya ga nyangwa ya ka Manasa: Anera ni matikwana ya kona, ni Bileama ni matikwana ya kona, kuva ka ngango wa vana va ka Kohate.

⁷¹A vana va ka Gerxoni va lo nyikwa Golani le Baxani ni matikwana ya kona, ni Axtarote ni matikwana ya kona, lomu ka khihlanya ga nyangwa ya ka Manasa.

⁷²Ka nyangwa ya ka Isakari: Kedexi ni matikwana ya kona, ni Daberate ni matikwana ya kona,

⁷³ni Ramote ni matikwana ya kona, ni Anema ni matikwana ya kona.

⁷⁴Ka nyangwa ya ka Axeri: Maxali ni matikwana ya kona, ni Abdoni ni matikwana ya kona,

⁷⁵ni Hukoke ni matikwana ya kona, ni Rehoba ni matikwana ya kona.

⁷⁶Ka nyangwa ya ka Naftali: Kedexi le Galile ni matikwana ya kona, ni Hamoni ni matikwana ya kona, ni Kiriataime ni matikwana ya kona.

⁷⁷A vanwani vana va ka Merari va lo nyikwa Rimoni ni matikwana ya kona, ni Taborani ni matikwana ya kona, lomu ka nyangwa ya ka Zabuloni.

⁷⁸Le tlhatuko wa Jordani, le Jeriko, hi le Mutsuwuka-gambo wa Jordani lomu ka nyangwa ya ka Rubeni, va lo nyikwa Bezera le xiwuleni zinwe ni matikwana ya kona, ni Jaza ni matikwana ya kona,

⁷⁹ni Kedemote ni matikwana ya kona, ni Mafate ni matikwana ya kona.

⁸⁰Ka nyangwa ya ka Gadi: Ramote le Gileade ni matikwana ya kona, ni Mahanaime ni matikwana ya kona,

⁸¹ni Hexboni ni matikwana ya kona, ni Jazera ni matikwana ya kona.