Read tshwa 1 Kronekele 9 Bible Online

1 Kronekele 9 - tshwa bible

1 Kronekele 9

¹Zinghaho vontlhe va ka Israeli va wa hlayilwe hi zizukulwana, va tsaliwa lomu bhukwini ga tihosi ta ka Israeli. A va ka Juda va wa khomilwe va yiswa wukhumbini le Babuloni hi kota ya zionho zabye.

²A vaaki vo sangula lomu ka matiko yabye va wa hi va ka Israeli, ni vapristi, ni vaLevi, ni vaNetinime.

³Le Jerusalema ku wa akile a vanwani va ka Juda, ni vanwani va ka Benjamini, ni vanwani va ka Efraime ni va ka Manasa: [7]

⁴Hi Utai, nʼwana Amihudi, nʼwana Omri, nʼwana Imri, nʼwana Bani wa vana va ka Perezi nʼwana Juda.

⁵Ni va ka Xiloni: Asaia, a matewula, ni vana vakwe;

⁶ni va vana va ka Zera: Jeueli ni 690 wa vanakulobye;

⁷ni va vana va Benjamini: Sallu, wo belekwa hi Mexullamu nʼwana Hodavia wa Hassenua,

⁸na Ibnea nʼwana Jerohamu, na Ela wo belekwa hi Uzzi nʼwana Mikri, na Mexullamu nʼwana Xefatia wa Reueli wa Ibnija;

⁹ni vanakulobye hi tinyangwa tabye, va wa hi 956. A vanhu lava va wa hi tihosana ta tiyindlu ta vararu vabye.

¹⁰Ni xikari ka vapristi, Jedaia, na Jehoiariba, na Jakina;

¹¹na Azaria nʼwana Hilkia wa Mexullamu, wa Zadoke wa Meraiote wa Ahituba, a muhlayisi wa yindlu ya Nungungulu;

¹²na Adaia nʼwana Jerohamu wa Paxhura, wa Malkija, na Massai wa Adieli nʼwana Jazera, wa Mexullamu, wa Mexillemite, wa Immera;

¹³ni vanakulobye, va nga vona venyi va tiyindlu ta vararu vabye, va wa hi 1,760 wa vavanuna va tiyileko nguvu lomu ntirweni wa yindlu ya Nungungulu.

¹⁴Lomu xikari ka vaLevi: Xemeia nʼwana Haxuba wa Axrikamu wa Haxabia wa vana va ka Merari;

¹⁵na Bakbakara, na Herexa, na Galala, na Mattania nʼwana Mika wa Zikri, wa Asafa,

¹⁶na Obadia nʼwana wa Xemaia, nʼwana Galala wa Jedutuni, na Berekia nʼwana Asa wa Elkana, loyi a nga wa akile mitini ya vaNetofate.

¹⁷A vahlayisi va tinyangwa: Xalluma, na Akkuba, na Talmoni, na Ahimani ni vanakulobye; Xalluma i wa hi hosana;

¹⁸Lava kala lezi va ha yimileko nyangweni ya hosi hi le Mutsuwuka-gambo; hi wona vahlayisi va tinyangwa ta mixaxa ya va ka Levi.

¹⁹Xalluma nʼwana Kore wa Ebiasafa nʼwana Kora ni vanakulobye va yindlu ya raru wabye, a va ka Korate va wa hi vahlayisi va ntiro ni nyangwa ya Tabemakeli; ni vararu vabye va wa hi vahlayisi va nyangwa ya xaxa wa Jehova.

²⁰Fineasi nʼwana Eleazari, i wa hi hosana yabye kale, ngha Jehova a hi zinwe naye.

²¹Zakaria nʼwana Mexelemia i wa hi muhlayisi wa nyangwa ya Tabemakeli ga mutlhangano.

²²Vontlhe lava va hlawulweko ku hlayisa tinyangwa va wa hi 212, va hlayilweko lomu mitini yabye, khwatsi hi lezi Davida na Samueli, a muwoni, va va yimisileko mitirweni yabye.

²³Zinghaho vona ni vana vabye va yimisilwe lomu tinyangweni ta yindlu ya Jehova, a Tabemakeli, a kuva vahlayisi.

²⁴Lomu ka mune wa matihelo ku wa hi ni vahlayisi va tinyangwa, le Mutsuwuka-gambo ni le Muhlwa-gambo ni le Nwalungu ni le Dzongeni.

²⁵A vanakulobye lava va nga wa hi lomu mitini yabye va wa fanela ku ta kabye, va tshama navo ntlhanu wa masiku ni mambiri hi xikhati xi yimisilweko;

²⁶hakuva a vahlayisi lava va hombe va mune va vaLevi va wa hi ni ntiro wa ku hlayisa a tikwarutu ta mali ya yindlu ya Nungungulu.

²⁷Va wa tshama ni wusiku kusuhani ni yindlu ya Nungungulu, hakuva va wa fanela ku yi hlayisa ni ku yi vulula ni mixo wontihe masiku.

²⁸A vanwani va wa hlayisa a zibya za kukhozela, hakuva va wa zi hlaya loku zi vekiwa lomu ndlwini, va zi hlaya kambe loku zi humeswa.

²⁹A vanwani va lo yimiswa ku hlayisa a zinwani zibya hi zontlhe zingolongotlwani za tempeli, ni mapa yo saseka, ni vinya, ni mafura, ni libani, ni miri yo nuhela.

³⁰Vanwani lava va nga wa longisela a tibani va wa hi vana va vapristi.

³¹Mattitia, a muLevi, a matewula ya Xalluma, a muKorate, i wa yimisilwe ntirweni wa zibaba.

³²A vanwani vana va Kohate, a vanakulobye, va wa yimisilwe ntirweni wa zibaba za zikombiso, ku zi hlayisa ni ku zi xaxametela wontihe masabado. [8]

³³Lava hi vayimbeleli, a tihosana ta tiyindlu ta vararu vabye, a vaLevi; va wa tshama lomu tikwarutwini, va wa nga hi na ntiro wunwani, hakuva mumu ni wusiku va wa khoma a ntiro wabye.

³⁴Lava hi vona tihosana ta tiyindlu ta vaLevi, a tihosana ta tinyangwa tabye; va wa akile Jerusalema.

³⁵A raru wa Gibeoni, Jeieli, i wa akile le Gibeoni; a vito ga sati wakwe i wa hi Maaka;

³⁶a matewula yakwe i wa Abdoni, na Zura, na Kixi, na Baali, na Neri, na Nadabe,

³⁷na Gedora, na Ahio, na Zakaria, na Mitloti.

³⁸Mitloti i lo beleka Ximeami; vonawu va lo aka zinwe ni vanakulobye le Jerusalema.

³⁹Neri i lo beleka Kixi, Kixi a beleka Saule, Saule a beleka Jonatani, na Malkixua, na Abinadaba, na Exba-ali.

⁴⁰A nʼwana Jonatani i wa hi Meribaali, Meribaali i lo beleka Mika.

⁴¹A vana va Mika: Pitoni, na Meleki, na Tarea.

⁴²Ahaza i lo beleka Jara, Jara a beleka Alimete, na Azmavete, na Zimri, Zimri a beleka Moza;

⁴³Moza a beleka Binea, na Refaia nʼwana wakwe, Eleasa nʼwana wakwe, Azeli nʼwana wakwe.

⁴⁴Azeli i wa hi ni ntlhanu wa vana ni munwe. A mavito yabye hi lawa: Azrikamu, Bokeru, Ixmaeli, Xearia, Obadia na Hanani. Lava i vana va Azeli.