Read tshwa 2 Kronekele 24 Bible Online

2 Kronekele 24 - tshwa bible

2 Kronekele 24

¹Joaxi i wa hi ni ntlhanu wa malembe ni mambiri a xikhati a nga sangula ku fuma. I lo fuma 40 wa malembe le Jerusalema. A vito ga nyine wakwe i wa Zibia wa le Berexeba.

²Joaxi i lo maha kululama mahlweni ka Jehova wontihe masiku ya wutomi ga mupristi Jehoiada.

³Jehoiada i lo mu lowota vasati vambiri, a beleka vafana ni vanhanyana.

⁴Anzhako ka lezo Joaxi i lo alakanya ku aketa a yindlu ya Jehova.

⁵I lo tsombanyisa vapristi ni vaLevi, aku kabye: Fambani lomu mitini ya va ka Juda, mu hlengisa mali lomu tikweni gontlhe ga ka Israeli, kasi hi fela ku lulamisa a yindlu ya Nungungulu wa nwina lembe ni lembe; mu hatlisisa mhaka leyi! Kanilezi a vaLevi a va hatlisangi.

⁶Zonake a hosi yi lo vitana a mupristi wa hombe Jehoiada, aku kakwe: Hi kuyini u nga kala ku laya a vaLevi ku neha a nzuvo yi leletelweko tlhanganweni wa va ka Israeli hi Mosi nanza ga Jehova, yi humako tikweni ga ka Juda ni le Jerusalema, kasi ku yi maha ya tenda ga mutlhangano ke?

⁷Hakuva a nyamayi loyi wo biha Atalia, zinwe ni vana vakwe, va phangile a yindlu ya Nungungulu, va teka a zibya zo basa za yindlu ya Jehova va ya khozela ha zona Baali.

⁸Zinghaho a hosi yi lo leletela lezaku va maha a nghaxa va yi veka laha nyangweni ya yindlu ya Jehova, hi lahandle.

⁹Zonake va lo tivisa lomu tikweni ga ka Juda ni le Jerusalema lezaku va neha a nzuvo ka Jehova leyi yi leletelweko va ka Israeli le xiwuleni hi Mosi a nanza ga Nungungulu. [39]

¹⁰A tinduna tontlhe ni vanhu vontlhe va lo tsaka hi mhaka leyo, va neha a mali ya nzuvo va yi chela lomu nghaxeni kala va gumesa.

¹¹Makunu laha xi nga wa chikele a xikhati xa ku neha a nghaxa, kasi yi fela ku kambiwa hi hosi, yi lo nehwa hi vaLevi; laha va nga wona lezaku a mali yi wa tele, a mutsali wa hosi ni xirunwa xa mupristi wa hombe va lo chulula a mali, va tlhelisa a nghaxa wutshanwini ga yona. Va lo maha lezo siku ni siku, va hlengeletela mali yinyingi.

¹²Zonake a hosi zinwe na Jehoiada va lo yi nyikela ka muhlayisi wa mitiro ya yindlu ya Jehova. Va lo ramba vavatli va maribye ni vaaki a ku ta aketa a yindlu ya Jehova. Va lo ramba ni lava va zi kotako ku tira hi ziketse, ni suku, a ku ta aketa a yindlu ya Jehova.

¹³A vatiri va lo tira khwatsi, a ntiro wuya mahlweni hi mandla yabye, va vuxa a yindlu ya Nungungulu xiyinweni xa yona, va yi tiyisa.

¹⁴Na va mbhetile, va lo neha a mali leyi yi nga wa sele mahlweni ka hosi na Jehoiada; va lo maha ha yona a zibya za yindlu ya Jehova za ku khozela ha zona ni za miphahlo, ni mikombe, ni zinwani zibya za nzalama ni za siliva. Va lo nyikela miphahlo ya kuhiswa wontihe masiku lomu ndlwini ya Jehova, kuhanyeni kontlhe ka Jehoiada.

¹⁵Jehoiada i lo khosahala a hanya malembe yo tala; i lofa na hi ni 130 wa malembe.

¹⁶Va lo mu lahla lomu mutini wa Davida zinwe ni tihosi, hakuva i wa mahile kululama lomu tikweni ga ka Israeli, a tirela Nungungulu ni yindlu ya kona. Joaxi a onha.

¹⁷Anzhako na file Jehoiada ku lota tihosana ta ka Juda ti ta khizama mahlweni ka hosi; a hosi yi lo va ingisa.

¹⁸Va lo tsika yindlu ya Jehova Nungungulu wa vadadani vabye, va khozela zifananiso za Axtarte ni zinwani zifananiso; zonake Jehova i lo zangarela va ka Juda ni va le Jerusalema hi kota ya kugoha loko.

¹⁹Jehova i lo rumela vaprofeti xikari kabye kasi ku va wuyiseta kakwe, kanilezi cima a va ingisangi.

²⁰A Moya wa Nungungulu wu lota ka Zakaria nʼwana mupristi Jehoiada; i lo yima mahlweni ka vanhu, aku kabye: Nungungulu i ngalo: Hi kuyini mu hambunyetako milayo ya Jehova? Cima mu nga ta vuvuma, hakuva kota lezi mu tsikileko Jehova, yenawu i mu tsikile. [40]

²¹Va lo boha xikungo xa ku mu lovisa; va mu gandla hi maribye lomu hubyeni ga yindlu ya Jehova, hi kuleletela ka hosi.

²²Hosi Joaxi a nga alakanyangi a wutiene legi a mahelweko hi Jehoiada, raru wa Zakaria; kanilezi i lo daya a nʼwana wakwe Zakaria, loyi laha na afa, a ngaku: Jehova a cuwukisise, a tlhelisela:

²³Kumbheleni ka lembe lego, a yimpi ya maSiria yi kanziha yi ya vukela Joaxi, lomu tikweni ga ka Juda ni le Jerusalema; yi ta hlasela tontlhe tihosana ta tiko, va rumela wontihe muphango wa wukosi gabye le ka hosi ya Damasku.

²⁴Hambu lezo a yimpi ya maSiria yi ngata ni vanhu va tsongwani, Jehova i lo nyiketa mandleni yabye a yimpi leyo ya hombe nguvu, hakuva a vanhu va wa tsikile Jehova Nungungulu wa vadadani vabye. Zinghaho a maSiria ma lo tsayisa Joaxi.

²⁵Laha va nga suka va mu siya, hakuva va mu siya na a babya nguvu, a malanza yakwe ma lo mu hleva hi kota ya lezi a nga daya a vana va Jehoiada mupristi, va si mu daya laha mubhedini. Va lo mu lahla mutini wa Davida, kanilezi a va mu lahlangi xilahleni xa tihosi.

²⁶Lava va nga maha mahlevo, hi tava: Zabada nʼwana Ximeate, wasati wa ka Amoni, na Jehozabada nʼwana Ximrite wasati wa ka Moabi.

²⁷Makunu xungetano ni vana vakwe, ni tinzuvo leti a nga lubyiwa ha tona, ni kuaketwa ka yindlu ya Nungungulu, zi tsalilwe lomu ka matimu ya bhuku ga tihosi. Zonake a nʼwana wakwe Amazia i lo fuma xikhundleni xakwe.