Read tshwa 2 Kronekele 32 Bible Online

2 Kronekele 32 - tshwa bible

2 Kronekele 32

¹Anzhako ka lezo zilo, ni mahanyela lawo yo lulama, ku lota Sennakeribe, a hosi ya le Asiria, a ta enghena tikweni ga ka Juda a ranzela a miti ya makhokhola na a xuva ku yi wutla.

²Laha Hezekia a nga wona lezaku Sennakeribe i tile, a lava ku hlasela Jerusalema,

³i lo tsema khungo zinwe ni tinduna takwe ni tinhenha takwe a ku ya seletela tihlowo ta mati leti ti nga wa hi lahandle ka muti; va lo mu vunetela.

⁴Ku lo tsomhanyiswa a vanhu vanyingi nguvu va seletela tihlowo tontlhe ni micongwana leyi yi khungelako xikari ka tiko, vaku: Hi kuyini a tihosi ta Asiria ti ta nga ta kuma a mati yo tala ke?

⁵1 lo tiya a akisa lontlhe ligingisi leli li nga wa khungumulwe, a lehisa makhokhola, a aka linwani ligingisi hi lahandle, a tiyisa Millo lomu mutini wa Davida, a maha matlhari ni zitlhangu zo tala nguvu.

⁶I lo yimisa a tinduna ta yimpi lomu xikari ka vanhu, a va tsombanyisa laha kubaseni ka nyangwa ya muti, a wulawula magezu ma tangalisako timbilu tabye, aku:

⁷Tiyani hlana! Mu nga chavi mu mbhela ntamu hi kota ya hosi ya le Asiria ni xidlemo lexi a nga naxo, hakuva lava va nga na hina va tele nguvu ku hunza lava va nga na yena. [50]

⁸Yena i na ni woko ga nyama, kanilezi hina hi na na Jehova Nungungulu wa hina, a hi vunetela ni ku hi lwela tiyimpi ta hina. A vanhu va lo tiyiswa hi magezu ya Hezekia hosi ya ka Juda.

⁹Anzhako ka lezo Sennakeribe, a hosi ya Asiria, laha a nga kari a ranzela le Lakixe, na hi ni yimpi yakwe yontlhe, i lo rumela malanza yakwe le Jerusalema ka Hezekia hosi ya ka Juda, ni ka vontlhe vaJuda lava va nga wa hi lomu Jerusalema, va yaku kabye:

¹⁰Sennakeribe, a hosi ya le Asiria, i ngalo: Mu tsumba yini lezi mu tshamako na mu ti valele lomu Jerusalema ke?

¹¹Xana Hezekia a ngo mu kucetela ku ti nyikela ka lufo la ndlala ni tora, lezi a nge ngalo: Jehova Nungungulu wa hina i ta hi tlhatlhisa mandleni ya hosi ya Assiria.

¹²Kasi a hi yena Hezekia a nga susa matshamu yakwe ma tlakukileko, ni maalati yakwe, a wuya a byela vaJuda ni va le Jerusalema, aku: Mu ta khozela mahlweni ka alati legi ga ginwe, mu hisela ka gona tibani.

¹³A mu zi tivi lezi nzi mahileko mina ni vadadani va mina ka vontlhe vanhu va matiko ke? Xana a vanungungulu va matiko lawo va wu kumile ntamu Wa ku ponisa a vanhu va vona mandleni ya mina ke?

¹⁴Hi wihi nungungulu xikari ka vanungungulu vontlhe va matiko lawa a vadadani va mina va ma lovisileko, a zi kotileko ku ponisa a vanhu vakwe mandleni ya mina ke? kasi nwina mu tsumba lezaku Nungungulu wa nwina i ta zi kota ku mu ponisa mandleni ya mina!

¹⁵Hikwalahongha Hezekia a nga mu khohlisi, a mu kucetela hi ndlela leyo; mu nga mu vumeli, hakuva a ku na nungungulu wa tiko ni ginwe, hambu mufumo, loyi a zi kotako ku ponisa a vanhu vakwe mandleni ya mina, ni mandleni ya vadadani va mina. Loyi wa nwina, yena i ta zi kotisa kuyini ku mu ponisa mandleni ya mina ke?

¹⁶A malanza yakwe ma lo engetela ma xanza Jehova Nungungulu na Hezekia a nanza gakwe.

¹⁷I lo tsala kambe ni mapapilo yo xanza Jehova Nungungulu wa ka Israeli, aku: Khwatsi hi lezi a vanungungulu va matiko ya misava va nga ponisangiko a vanhu va vona mandleni ya mina, yenawu Nungungulu wa Hezekia cima a nga ta zi kota ku ponisa a vanhu vakwe mandleni ya mina.

¹⁸Va lo kanyuluka vaba nyiwo hi lirimi la xijuda ka vanhu va le Jerusalema va nga hi lomu khokholeni, va va dzukisa, va va rurumelisa, kasi va fela ku teka a muti.

¹⁹Va lo wulawula hi Nungungulu wa le Jerusalema, va mu fananisa ni vanungungulu va matiko ya laha misaveni, lava va mahilweko hi mandla ya vanhu.

²⁰Kanilezi hosi Hezekia i lo khongela hi kota ya timhaka leti, zinwe na muprofeti Isaya, va lo vitana le tilweni.

²¹Jehova i lo rumela a ngelosi leyi yi nga ya lovisa tontlhe tinhenha, ni varangeli, ni tinduna lomu wugovelweni ga hosi ya Asiria. Zinghaho Sennakeribe i lo tlhela hi tingana aya tikweni gakwe. Laha a nga enghena lomu ndlwini ya vanungungulu vakwe, a vanhu va ku huma hi lomu marumbyini yakwe va lo mu gwaza kwalomo hi tlhari.

²²Zinghaho Jehova i lo ponisa Hezekia ni vanhu va le Jerusalema mandleni ya Sennakeribe a hosi ya le Assiria ni mandleni ya Vontlhe vanwani; a va rangela matlhelo wontihe.

²³A vanhu vanyingi va lo neha mihlengo ka Jehova le Jerusalema, ni zilo za malongo ka Hezekia a hosi ya ka Juda; i lova loyi a tlakukileko ka wontihe matiko kusukela lezo.

²⁴Masikwini lawo Hezekia i lo babya wubabyi ga mahati; i lo khongela ka Jehova, Jehova a mu hlamula, a mu wonisa xiwoniso. [51]

²⁵Kanilezi Hezekia a nga tlheliselangi Nungungulu a wunene legi a mahelweko gona, hakuva a mbilu yakwe yi wa ti kukumukisa; hikwalaho a zanga ya Jehova yi wa hi hehla kakwe ni ka va ka Juda ni le Jerusalema.

²⁶Kanilezi laha Hezekia a nga wa ti koramisile kutikukumukiseni ka mbilu yakwe zinwe ni vanhu va Jerusalema, a zanga ya Jehova a yi tangi hehla kabye masikwini ya Hezekia.

²⁷Hezekia i wa hi ni titshomba tinyingi ni wudzunzo ga hombe; i lo ti akela mabako yo veka siliva ni nzalama, ni maribye ya malongo, ni tibani, ni zitlhangu, ni ta tixaka tontlhe ta zibya lezi a nga wa zi navela.

²⁸I lo ti akela a tiyindlu to hlayisela kona mavele, ni vinya, ni mafura, a ti akela ni maranga ya zifuyo za tixaka ti tsalangeneko, a ti lavela mitlhambi ya zona.

²⁹Tlhatakumbiri i lo ti akela a miti ni mitlhambi yo tala ya zifuyo zo hombe ni zitsongwani, hakuva Nungungulu i wa mu nyikile a tshomba ya hombe nguvu.

³⁰Hi yena Hezekia loyi a nga vala a mati ya Gihoni hi le hehla, a ma fambisa hi lahasi, hi ndlela yo lulama, hi tlhelo ga Mutsuwuka-gambo wa muti wa Davida. X lo vuvuma mitirweni yakwe yontlhe.

³¹Makunu laha a tihosi ta le Babuloni ti nga rumela a mitsumi ka yena a ku ta mu wutisa hi zihlamaliso lezi zi humelelako lomu tikweni ga va ka Israeli, Nungungulu i lo mu tsika a mu ringa, kasi ku tiva zontlhe zi nga wa hi mbilwini yakwe.

³²A zinwani zimaho za Hezekia, ni wukhongeli gakwe, zi tsalilwe lomu bhukwini ga miwoniso ya muprofeti Isaya nʼwana Amozi, lomu bhukwini ga Matimu ya tihosi ta ka Juda ni ta ka Israeli.

³³Hezekia i lo etlela zinwe ni vararu vakwe, va mu lahla lomu wutshanwini gi tlakukileko, xikari ka xilahla xa vana va Davida; vontlhe va ka Juda ni va le Jerusalema va lo mu dzunza kufeni kakwe. Zonake a nʼwana wakwe Manasa i lo fuma xikhundleni xakwe.