Read tshwa Ezra 1 Bible Online

Ezra 1 - tshwa bible

Ezra 1

¹Hi lembe go ranga ga kufuma ka Kurusi a hosi ya le Persia, lezaku kasi a gezu ga Jehova legi a nga gi wula hi nomu wa Jeremia gi fela ku tatiseka, Jehova i lo vuxa a moya wa Kurusi a hosi ya le Persia, aba hungu lomu mufunwini wakwe wontihe ni ku tsala a timhaka, aku: [1]

²Kurusi a hosi ya le Persia i ngalo: Jehova Nungungulu wa le tilweni i nzi nyikile yontlhe mifumo ya misava, a nzi leletela lezaku nzi mu akela a yindlu le Jerusalema a tikweni ga ka Juda.

³Ni wihi xikari ka nwina a nga wa vanhu vakwe, Nungungulu wakwe ave zinwe na yena, a kanziha aya Jerusalema a tikweni ga va ka Juda a ya vuxa a yindlu ya Jehova Nungungulu wa ka Israeli! Yena Nungungulu loyi a nga le Jerusalema!

⁴Vontlhe lava va ponileko, na va hi valuveli matshanwini lawo, a vanhu va tiko a va va vune hi siliva, ni nzalama, ni zibya, ni tihomu, ni minyikelo leyi yi nyikelwako ndlwini ya Nungungulu loyi a nga le Jerusalema.

⁵Zonake a tihosi ta tiyindlu ta Juda na Benjamini, ni vapristi, ni vaLevi, zinwe ni lava a timbilu tabye ti vuxilweko hi Jehova, lezaku va ya aka yindlu ya Jehova le Jerusalema.

⁶Vontlhe lava va nga wa akelene navo va lo seketela hi ku va nyika ni zibya za siliva, ni za nzalama, ni zilo, ni tihomu, ni zilo za malongo, ahandle ka lezi va nga nyikela hi kuranza kabye.

⁷Ni kambe hosi Kurusi i lo humesa a zibya za yindlu ya Jehova lezi zi nga wa tekilwe hi Nebukadnezare le Jerusalema, a ya zi Veka lomu ndlwini ya vanungungulu vakwe. [2]

⁸Kurusi a hosi ya le Persia i lo zi humesa hi canja ga Mitredate, a muhlayisi wa tshomba yakwe, a zi hendleleta ka Xexbazare, a hosana ya ka Juda.

⁹Atsengo wa zona hi lowu: 30 wa mingelo ya nzalama, ni 1,000 wa mingelo ya siliva, ni 29 wa mikwana;

¹⁰ni 30 wa magombe ya nzalama, ni 410 wa magombe ya siliva ya lixaka linwani, ni 1,000 wa zibya zinwani.

¹¹Zontlhe zibya za nzalama ni za siliva zi wa hi 5,400. Zontlhe zibya lezi Xexbazare i lo famba nazo Jerusalema xikhatini lexo a vakhomiwa lava va nga wa hi le Babuloni va nga tlheliswa vaya Jerusalema.