Read tshwa Ezra 10 Bible Online

Ezra 10 - tshwa bible

Ezra 10

¹Makunu laha Ezra a nga wa ha khongela, a ti wulela na a kari a rila, na a khizamile mahlweni ka yindlu ya Nungungulu, ku lo tsombana kakwe a gotsovanyano wa hombe nguvu wa va ka Israeli, vavanuna ni vavasati ni vanana, hakuva a vanhu va lo rila hi kubayiseka ka hombe nguvu.

²Zonake Xekania nʼwana Jehieli wa vanana va ka Elami, i lo wulawula ka Ezra, aku: Hina hi onhele Nungungulu wa hina, hi ku teka vasati va tixaka ta matiko lawa; hambu lezo ka ha hi kona kutsumba ka va ka Israeli xungetano ni lezi zilo.

³Makunu a hi maheni xivumelwano ni Nungungulu wa hina a kuva hi va tlhelisa vontlhe vasati lava, ni vanana lava va belekilweko hi vona, khwatsi hi lezi a hosi ya mina yi wulileko, ni lava va rurumeliswako hi milayo ya Nungungulu wa hina, a ku mahiwe hi nayo.

⁴Yima! Mhakeni leyi ya wena hina hi ta ku yimela; tiya hlana u maha zalezo!

⁵Zonake Ezra i lo suka a yima a hlambanyisa a tihosana ta vapristi ni vaLevi ni vaIsraeli vontlhe, lezaku va maha lezo; va lo hlambanya.

⁶Ezra i lo suka mahlweni ka yindlu ya Nungungulu a enghena lomu kwarutwini ya Jehohanani nʼwana Eliaxiba; kanilezi a nga gangi ge hambu kunwa lomo, hakuva i wa xaniseka hi kuhambuneta ka lava va nga wuya hi le wukhumbini.

⁷Zonake ku lo biwa nyiwo ka vontlhe lava va wuyileko hi le wukhumbini lomu tikweni ga ka Juda ni le Jerusalema, vaku:

⁸Tsombanani le Jerusalema, hakuva ni wihi loyi a to kala a ngati lomu ka masiku manharu, khwatsi ni kuwula ka tihosana ni masingalakati, zontlhe zilo zakwe zi ta giwa, yena wutsumbu i ta humeswa tlhanganweni wa lava va wuyileko hi le wukhumbini.

⁹Zonake vontlhe a vavanuna va ka Juda, ni va ka Benjamini, va lo tsombana le Jerusalema nzeni ka masiku manharu, lomu ka hweti ya wu 9 hi siku ga 20. A vanhu vontlhe va lo tshama laha tsenzeleni, le mahlweni ka yindlu ya Nungungulu, na va rurumela hi kota ya mhaka leyo ni vula ya hombe.

¹⁰Zonake mupristi Ezra i lo suka a yima aba hungu, aku kabye: Nwina mu onhile hi ku teka vavasati va vamatiko, mu engetela kuonha ka Israeli.

¹¹Makunu ti wuleleni ka Jehova Nungungulu wa vadadani va nwina, mu maha kuranza kakwe, mu ti hambanyisa ni vanhu va matiko ni ka vavasati va vamatiko.

¹²Zonake wontihe ntlhangano wu lo hlamula hi gezu ga hombe, vaku: Hi fanele ku maha khwatsi hilezi u zi wulileko.

¹³Kanilezi a vanhu mbanyingi, na xi hi xikhati xa tivula ta hombe; a hi zi koti ku yima lomu handle, kambe a ntiro lowu a hi wa siku ginwe kutani masiku mambiri, hakuva hi gohile nguvu mhakeni leyi.

¹⁴A tihosana ta hina a ti yimele a ntlhangano wontihe, kasi vontlhe lava va tekileko vavasati va vamatiko, va nga lomu mitini yabye, va tata hi xikhati xi ta nga yimiswa, vata ni masingalakati ya muti ni muti, ni Valamuli vabye, kala a khulo ga Nungungulu wa hina gi bohla xungetano ni mahungu lawa.

¹⁵Jonatani nʼwana Asaheli, na Jazeia nʼwana Tikva, va lo kaneta a mhaka leyo, na va sekelwa hi Mexulamu na Xabetai, a vaLevi.

¹⁶Kanilezi lava va wuyileko hi le wukhumbini va lo maha kota lezi ku wulilweko, va hlawula mupristi Ezra, ni vanwani vavanuna va tihosana ta tiyindlu ta vadadani vabye, va hlawuliwa hi tiyindlu ta vadadani vabye, vontlhe va kumbukiwa hi mavito yabye; va ta tlhangana vontlhe hi siku go sangula ga hweti ya wu 10 a ku ta hlola a mhaka leyo.

¹⁷Hi siku go sangula ga hweti yo ranga va lo mbheta a timhaka ta vavanuna lava va tekileko vavasati va vamatiko.

¹⁸Lomu xikari ka vana va vapristi ku lo kumeka lava va tekileko a vavasati va ku nghaho; lomu ka vana va Jexua hi nʼwana Jozadade ni vanakulobye Maaseia na Eliezare na Jariba na Gedalia;

¹⁹va lo tlakusa mawoko yabye va hlambanya lezaku va ta tlhelisa vasati vabye, hakuva va wa hi ni nanzu; va lo maha muphahlelo wa milanzu yabye hi hamba.

²⁰A ka vana va Imera, hi Hanani na Zebadia.

²¹A ka vana va Harima, hi Maaseia, na Elija, na Xemaia, na Jehieli, na Uzia.

²²A ka vana va Paxhura, hi Elioenai, na Maaseya, na Ixmaeli, na Netaneli, na Jozabada, na Elasa.

²³A ka vana va Levi, hi Jozabada, na Ximei, na Kelaia (a nga Kelita), na Petahia, na Juda, na Eliezare.

²⁴A ka vayimbeleli hi Eliaxiba; a ka vahlayisi va tinyangwa hi Xaluma, na Telema, na Uri.

²⁵A va ka Israeli: a ka vana va Paroxa hi Ramia, na Izia, na Malkija, na Mijamini, na Eleazare, na Malkija, na Benaia.

²⁶A ka vana va Elami, hi Matania, na Zakaria, na Jehieli, na Abdi, na Jeremote, na Elija.

²⁷A ka vana va Zatu, hi Elioenai, na Eliaxiba, na Matania, na Jeremote, na Zabada, na Aziza.

²⁸A ka vana va Bebai, hi Jehohanani, na Hanania, na Zakai, na Atlai.

²⁹A ka vana va Bani, hi Mexulamu, na Maluku, na Adaia, na Jaxuba, na Xeali, na Jeremote.

³⁰A ka vana va Pahat-Moabi, hi Adna, na Kelali, na Benaia, na Maaseia, na Matania, na Bezaleli, na Binui, na Manasa.

³¹A ka vana va Harima, hi Eliazare, na Ixija, na Malkija, na Xemaia, na Ximeoni;

³²Benjamini, Maluku, Xemaria.

³³A ka vana va Haxuma, hi Matenai, na Matata, na Zabada, na Elefelete, na Jeremai, na Manasa, na Ximei.

³⁴A ka vana va Bani, hi Madai, na Amrama, na Ueli;

³⁵Benaia, Bedeia, Keluhi,

³⁶Vania, Meremote, Eliaxiba,

³⁷Matania, Matenai, na Jasu,

³⁸na Bani, na Binui, na Ximei,

³⁹Xelemia, na Natani, na Adaia,

⁴⁰Maknadebai, Xaxai, Xarai,

⁴¹Azareli, Xelemia, Xemaria,

⁴²Xaluma, Amaria, Josefa.

⁴³A ka vana va Nebo, hi Jeieli, na Matitia, na Zabada, na Zebina, na Ido, na Joeli, na Benaia.

⁴⁴Vontlhe lava va wa tekile vasati va vamatiko; a vanwani vavasati va wa belekile navo vana.