Read tshwa Nehemia 10 Bible Online

Nehemia 10 - tshwa bible

Nehemia 10

¹Lava va nga tiyisa xifungo hi hosi ya kona Nehemia nʼwana Hakalia, na Zedekia;

²Seraia, Azaria, Jeremia;

³Paxuri, Amaria, Malkija;

⁴Hatuxa, Xebania, Maluku;

⁵Harimu, Meremote, Obadia;

⁶Danieli, Ginetoni, Baruke;

⁷Mexullamu, Abija, Mijamini;

⁸Maazia, Bilgai, Xemaia. Lavo va wa hi vapristi.

⁹A vaLevi, ku wa hi Jexua nʼwana Azania, Binui; xikari ka vana va Henadade, Kadmieli;

¹⁰ni vanakulobye, Xebania, Hodia, Kelita, Pelaia, Hanani;

¹¹Mika, Rehoba, Haxabia;

¹²Zakura, Xerebia, Xebania;

¹³Hodia, Bani, Beninu.

¹⁴A manghanakana ya tiko: Paroxa, Pahat-Moabi, Elami, Zattu, Bani;

¹⁵Bunni, Azgadi, Bebai;

¹⁶Adonija, Bigvai, Adina;

¹⁷Atera, Hezekia, Azura;

¹⁸Hodia, Haxuma, Bezai;

¹⁹Harifa, Anatote, Nobai;

²⁰Magpiaxi, Mexullamu, Hezira;

²¹Mexezabeli, Zadoki, Jadua;

²²Pelatia, Hanani, Anaia;

²³Hoxea, Hanania, Hasshuba;

²⁴Hallohexa, Pilha, Xobeka;

²⁵Rehuma, Haxabna, Maaseia;

²⁶Ahia, Hanani, Anani;

²⁷Maluku, Harima, Baana.

²⁸A vanwani vanhu, ku wa hi vapristi, vaLevi, varinzeli va tinyangwa, vayimbeleli, vaNetinime, ni lava va nga wa humela ka matiko ma nga wa hi kusuhani, va ta ti boha milayweni ya Nungungulu, ni vasati vabye, ni vana vabye, ni vanhanyana, vontlhe lava va nga wa tiva na va hi ni kupimisisa.

²⁹Va lo namarela ka vanakulobye, ma nga manghanakana yabye, va enghena navo kuhlambanyeni ni xifungweni xa ku maha milayo ya Nungungulu leyi va nga wa nyikilwe hi Mosi a nanza ga Nungungu, ni ku hlayisa va maha zontlhe zileletelo za Jehova a Hosi ya hina, a ziyimiso ni zilayelo zakwe;

³⁰ni lezaku hi nga lowolisi a vanhanyana va hina ka vamatiko, ge hambu ku lowota vafana va hina a vanhanyana vabye. [24]

³¹Ni lezaku, loku a vamatiko va neha a wukwewu, kutani na nga tixaka muni ta zakuga hi siku ga sabado va ta hi xavisela, hi nga ta va xavela siku lego, hambu hi siku ga ximuse; niku hi tava ni tlhatlhiselelo hi lembe ga wu 7, ni ku rivalelana yontlhe milanzu.

³²Ni kambe hi lo ti yimisela nayo, hi ti boha lezaku lembe ni lembe hi ta humesela a ntiro wa yindlu ya Nungungulu wa hina, a xipanze xa wunharu xa xekeli,

³³a kuva za zibaba za xikombiso, ni munyikelo wa siku ni siku wa mapa, ni wa kuhiswa wa siku ni siku, ni wa masabado, ni wa kuwoneka ka hweti ni hweti, ni mibuzo, ni zilo zi basileko, ni minyikelo ya kuonha kasi ku maha a nzhiho wa va ka Israeli, ni wontihe a ntiro wa yindlu ya Nungungulu wa hina. [25]

³⁴Hi hlahluva, hina ni vapristi, ni vaLevi, ni vanhu, ku lanzela hi tiyindlu ta vararu va hina, hi hlahluvela a tihunyi leti lembe ni lembe hi faneleko ku ti neha ndlwini ya Nungungulu wa hina hi zikhati zi yimisilweko, kasi ku ta dzivela ha tona a nzilo laha alatini ga Jehova Nungungulu wa hina, kota lezi ku tsalilweko nayweni.

³⁵Ni ku neha ndlwini ya Jehova lembe ni lembe a mavele yo ranga ya misava ya hina, ni mihanzu yo ranga ya mimbhanzo ya tixaka tontlhe;

³⁶ni matewula ya vafana va hina, ni ya zifuyo za hina, kota lezi ku tsalilweko nayweni, ni matewula ya tihomu ni tiyivu ta hina, hi zi neha ndlwini ya Nungungulu wa hina, ka vapristi lava va tirako lomu ndlwini ya Nungungulu wa hina.

³⁷Ni ku neha lezi zi hlawulekako za mapa ya hina, ni za minyikelo ya hina ya kunziwitela, ni za mihanzu ya tisinya ta tixaka tontlhe, a vinya, ni mafura, hi zi nyika ka vapristi va nga tikwarutwini ta yindlu ya Nungungulu wa hina; hi nyikela a za wukhume za misava ya hina ka vaLevi, hakuva vona vaLevi va teka za wukhume lomu mitini yontlhe leyi yi nga ni masimu lomu tikweni ga hina. [26]

³⁸A mupristi, a nga nʼwana Aroni, i tava ni vaLevi a xikhati lexi va tekako a za wukhume. A vaLevi va ta pambula za wukhume ka lezi va zi tekileko, va neha ndlwini ya Nungungulu wa hina lomu tikwarutweni ta yindlu ya bako.

³⁹Hakuva a vanana va ka Israeli ni va ka Levi va ta neha a minyikelo ya kunziwitela ya mavele, ni ya vinya, ni ya mafura, lomu tikwarutwini, lomu ku nga ni zibya za wutshamu gi basileko, ni vapristi lava va tirako, ni varinzeli va tinyangwa, ni vayimbeleli. Hikwalaho hi nga ta tsika a yindlu ya Nungungulu wa hina. [27] 1