Read tshwa Nehemia 12 Bible Online

Nehemia 12 - tshwa bible

Nehemia 12

¹Makunu lava hi vapristi ni vaLevi lava va nga wuya na Zerubabeli nʼwana Xealtieli, na Jexua: Seraia, Jeremia, Ezra;

²Amaria, Maluku, Hattuxa;

³Xekania, Rehuma, Meremote;

⁴Iddo, Ginetoi, Abija;

⁵Mijamini, Madia, Bilga;

⁶Xemaia, Joiariba na Jedaia;

⁷Sallu, Amoka, Hilkia, Jedaia. Lavo va wa hi tinduna ta vapristi ni vanakulobye masikwini ya Jexua.

⁸Ni vaLevi: Jexua, Binnui, Kadmieli, Xerebia, Juda, na Matania loyi a nga wa rangela ntirweni wa ku nyika kubonga, yena ni vanakulobye.

⁹Bakbukia na Uno, a vanakulobye, va wa gamekene navo kurinzeleni.

¹⁰Jexua i lo beleka Joiakimu, Joiakimu a beleka Eliaxiba, Eliaxiba a beleka Joiada,

¹¹Joiada a beleka Jonatani, Jonatani a beleka Jaddua.

¹²Masikwini ya Joiakimu ku wa hi ni vapristi, a tinduna ta tiyindlu ta vararu vabye: a wa Seraia, Meraia; a wa Jeremia, Hanania;

¹³a wa Ezra, Mexullamu; a wa Amaria, Jehohanani;

¹⁴a wa Malluki, Jonatani; a wa Xebania, Josefa;

¹⁵a wa Harima, Adna; a wa Meraiote, Helkai;

¹⁶a wa Iddo, Zekaria; a wa Ginetoni, Mexullamu;

¹⁷a wa Abija, Zikri; a wa Miniamina na Moadia, Piltai;

¹⁸a wa Bilga, Xamua; a wa Xemaia, Jehonatani;

¹⁹a wa Joiariba, Matenai; a wa Jedaia, Uzzi;

²⁰a wa Sallai, Kallai; a wa Amoka, Eberi;

²¹a wa Hilkia, Haxabia; a wa Jedaia, Nataneli.

²²A vaLevi masikwini ya Eliaxiba, Joiada, Johanani na Jadua, va tsalelwe kuva tinduna ta tiyindlu ta vararu vabye. Ni vapristi xikhatini xa kufuma ka Dariusi a muPersia.

²³A vana va Levi, a tinduna ta tiyindlu ta vararu vabye, va tsalilwe lomu bhukwini ga matimu, kala masikwini ya Johanani nʼwana Eliaxiba.

²⁴A tinduna ta vaLevi: Haxabia, Xerebia, na Jexua nʼwana Kadmieli, ni vanakulobye lava va cuwukeneko navo; va wa dumisa ni ku bonga, kotisa zileletelo za Davida a munhu wa Nungungulu; a ntlawa wu cuwukana ni wunwani ntlawa.

²⁵Matania, Bakbukia, Obadia, Mexullamu, Talmoni, na Akuba, va wa hi varinzeli va tinyangwa ta yindlu ya wuveketelo, yi nga hi le ti nyangweni.

²⁶Lezo ku wa hi masikwini ya Joiakimu nʼwana Jexua, nʼwana Jozadaki, ni masikwini ya Nehemia a mufumeli, na mupristi Ezra a mutsali.

²⁷A xikhati xa kunyikelisiswa ka ligingisi la Jerusalema, ku lo vitaniswa vaLevi lomu mitini yontlhe, vaya Jerusalema, va ta nyikelisisa a ligingisi hi kutsaka, na va nyika kubonga, va yimbelela hi tingomana, ni timbila, ni zitende.

²⁸A vana va vayimbeleli va lo tsombana lomu tsenzeleni wu renzetekelako Jerusalema, ni lomu mitini ya vaNetofate;

²⁹ni le Bet-Gilgali, ni le tikweni ga Geba ni Azmavete; hakuva a vayimbeleli va wa ti akele miti lomu matlhelweni ya Jerusalema.

³⁰A vapristi ni vaLevi va lo ti basisa; va basisa ni vanhu, ni tinyangwa, ni ligingisi.

³¹Zonake nzi lo kanzihisa a tihosana ta ka Juda hehla ka ligingisi, nzi yimisa a mitlawa mimbiri ya hombe ya vayimbeleli va famba hi kulanzelana, a munwe wu famba le hehla ka ligingisi hi tlhelo ga xinene wu cuwuka nyangweni ya Wulongo.

³²Anzhako ka wona ku lanzela Hoxaia, ni khihlanya ga tihosana ta ka Juda,

³³na Azaria, Ezra, Mexullamu,

³⁴Juda, na Benjamini, na Xemaia, na Jeremia,

³⁵ni vanwani va vana va vapristi na va hi ni mipunzu: Zekaria nʼwana Jonatani, nʼwana Xemaia, nʼwana Matania, nʼwana Mikaia, nʼwana Zakura, nʼwana Asafa;

³⁶ni vanakulobye Xemaia, na Azareli, Milalai, Gilalai, Maai, Netaneli, na Juda, Hanani, ni zibya za wucenje za Davida a munhu wa Nungungulu; na Ezra mutsali a rangile mahlweni kabye.

³⁷Loku va chikele nyangweni ya Tiva, va lo lulama va kanziha hi mayingo ya muti wa Davida, vaya hehla ka ligingisi, le hehla ka yindlu ya Davida, le nyangweni ya Mati hi tlhelo ga. Muhuma-gambo.

³⁸A ntlawa wa wumbiri wa vayimbeleli wu lo famba hi ginwani tlhelo ga ligingisi, mina nzi wu lanza hi lenzhako hehla ka ligingisi, ni khihlanya ga vanhu, hi tlhelo ga khokhola ga Nzhimbo wa nzilo hi cuwuka ligingisini lo anama;

³⁹ni le hehla ka nyangwa ya va ka Efraime, ni nyangwa ya Kale, ni nyangwa ya Zidluwani, ni le khokholeni ga Hananeli, ni ga Hamea, kala nyangweni ya Tiyivu; va lo ya yima le nyangweni ya paxo.

⁴⁰Zinghaho yi lo yima a mitlawa leyi yimbiri yi nga wa yimbelela lomu ndlwini ya Nungungulu, mina na nzi yimile tlhelo ni khihlanya ga tinduna;

⁴¹ni vapristi, Eliakimu, Maaseia, Miniamini, Mikaia, Elioenai, Zekaria, na Hanania, na va welele mipunzu;

⁴²Maaseia, na Xemaia, na Elezari, na Uzzi, na Jehohanani, na Malkija, na Elami, na Ezeri. A vayimbeleli va wa yimbelela na va rangelwa hi Jezrahia.

⁴³Lego siku va lo nyikela miphahlo ya hombe, va tsaka, hakuva Nungungulu i wa va nyikile litsako la hombe; a vavasati ni vanana va lo tsakawu. Hikwalaho a litsako la Jerusalema ku lo zwala kule.

⁴⁴A siku lego ku lo hlawulwa a vahlayisi va tikwaruto ta mihlengo, a minyikelo ya kunziwitela, a mihanzu yo ranga, a za wukhume, va veketela ka tona maringano ni masimu ya miti, ni zipanze lezi zi yimisilweko hi nayo za vapristi ni vaLevi; hakuva Juda i wa tsaka hi lezi a vapristi ni vaLevi va nga wa tlhelile va yima mahlweni ka Nungungulu.

⁴⁵Va lo hlayisa zontlhe lezi zi nga hi za ntiro wa Nungungulu wabye, ni lezi zi nga hi za ntiro wa ku ti basisa, ni vayimbeleli, ni vahlayisi va tinyangwa, kukotisa zileletelo za Davida ni nʼwana wakwe Solomoni. [28]

⁴⁶Hakuva masikwini lawo ya kale ya Davida na Asafa, ku wa hi ni varangeli va vayimbeleli, ni tisimu ta ku bonga Nungungulu.

⁴⁷Masikwini ya Zerubabeli ni ya Nehemia, vontlhe va ka Israeli va wa maha mihlengo ya vayimbeleli ni varinzeli va tinyangwa, khwatsi hi lezi zi nga laveka siku ni siku, va zi basisela vaLevi, vonawu vaLevi va zi basisela a vana va Aroni.