Read tshwa Nehemia 5 Bible Online

Nehemia 5 - tshwa bible

Nehemia 5

¹Zonake a vanhu va tiko ni vasati vabye va lo vukela a va ka kabye, a vaJuda.

²Hakuva ku wa hi ni lava va ngaku: Hina, ni vana va hina ni vanhanyana va hina hi vanyingi! Hi nyikeni mavele, higa hi hanya!

³Na ku hi ni vanwani va nga waku: Hina hi zimile seve hi masimu ya hina, ni zivina za hina, ni tiyindlu ta hina! Hi nyikeni mavele yo hi hanyisa ndlala leyi!

⁴A vanwani vaku: Hi pembile a mali ya nzuvo wa hosi, hi zima seve hi masimu ya hina ni zivina za hina.

⁵Kasike a mimiri ya hina yi fana ni ya vanakulori, ni vana va hina va fana ni vana vabye. Langutani, hi yisa a vana va hina ni vanhanyana va hina wukhumbini, ni lezi a vanwani vanhanyana va hina va sina va hi kona wukhumbini. Hi vumala ni ntamu wa ku va vuna, hakuva a masimu ya hina ni zivina za hina zi mandleni ya vanwani.

⁶Nzi lo zangara nguvu laha nzi ngazwa a kurila kabye ni timhaka leto.

⁷Nzi lo ehleketa, nzi holovela a manghanakana ni tinduna, nziku: Kasi mu pembisa ka munwe ni munwani wa Vanakuloni mu fela ku bhinzula ke? Nzi va fambela a hlengeletano wa hombe. [8]

⁸Nziku ka vona: Hi ntamu wa hina hi tirule vanakulori, va nga vaJuda lava va nga wa xabyisilwe ka vamatiko; kanilezi nwina mu xavisa vanakuloni. Va ta xabyiswa ka hina ke? Zonake va su kaye, va vumala ni xa ku wula.

⁹Nzi engeta nziku: Lezi mu zi mahako a hi zinene; mu fanele ku kombisa xichavo ka Nungungulu wa hina, kasi hi nga tseketselwi hi vamatiko, va nga valala va hina. [9]

¹⁰Minawu ni vanakulori ni malanza ya mina, hi va pembile mali ni mavele. Nza mu khongotela, a hi tsikeni a bhinzu legi.

¹¹Mahani wuxinji mu tlhelisa nyamutlha lezi, a masimu yabye, a zivina zabye, ni mioliva yabye, ni tiyindlu tabye, ni xipanze xa zana xa mali, ni mavele, ni vinya, ni mafura, lezi mu nga zi bhinzula kabye.

¹²Zonake vona vaku: Hi ta va tlhelisela, hi nga ta lava nchumu ka vona. Hi ta maha khwatsi hi kuwula ka wena. Zonake nzi lo vitana a vapristi nzi ta va hlambanyisa lezaku va ta maha khwatsi hi lezi va tsumbisileko.

¹³Ni kambe nzi lo zuza a tinguwo ta mina, nziku: Nungungulu ngha a zuzisa lezo a yindlu ya munhu ni munhu, ni ntiro wakwe, a hoxiwa kule nazo loyi a nga tatisiko a xifungo lexi. Ngha a zuziswa zalezo, a halatiwa. A hlengeletano yontlhe yiku: Amen! Va lo dumisa Jehova va maha khwatsi hi lezi va nga wa hlambanyile.

¹⁴Tlhatakumbiri, kusukela xikhati lexo nzi nga yimiswa kuva mufumeli wabye tikweni ga ka Juda, kusukela lembe ga wu 20 kala ka ga wu 32 ga kufuma ka hosi Artaxerxesi, ma nga 12 wa malembe, mina ni vanakulori a hi gangi a zakuga zi avelwako mufumeli.

¹⁵Kasi lava va nga wa hi vafumeli hi mahlweni ka mina, va wa binzisa vanhu, va va tekela zakuga ni vinya, ahandle ka 40 wa maxekeli ya siliva. Ina, hambu a malanza yabye ma wa binzisa vanhu. Kanilezi mina a nzi mahangi lezo, hakuva nzi wa chava Nungungulu.

¹⁶Ni kambe nzi lo simamisa ni ntiro wa ligingisi lelo, hi nga xavi masimu. A malanza ya mina wontihe ma wa tsombana kwalaha ntirweni.

¹⁷Tlhatakumbiri, a mezeni ya mina ku wa tshama vaJuda ni tinduna, 150 wa vananuna, ahandle ka lava va nga wata hi ka matiko lawa ma nga wa hi ranzele.

¹⁸Makunu lezi zi nga wa longiselwa siku ginwe ni ginwani, ku wa hi homu yinwe ni 6 wa milangelwa ya tiyivu; nzi wa longiselwa ni tihuku kambe, ni vinya go tala ga tixaka ti tsalangeneko kanwe hi khume ga masiku. Kanilezi a ka zontlhe lezo mina a nzi lavangi a zakuga za mufumeli hakuva a mitiro yi wa tikela nguvu a tiko legi.

¹⁹Nungungulu wanga, nzi alakanye hi kusasa kontlhe loku nzi ku mahe leko lava vanhu. [10]