Read tshwa Estere 3 Bible Online

Estere 3 - tshwa bible

Estere 3

¹Anzhako ka lezo hosi Ahasuerusi i lo tlakusa Hamani nʼwana Hamedata a muAgage, a mu veka xitshanwini xa le hehla, a mu maha mufumeli wa tihosana leti a nga wa hi nato.

²A malanza wontihe ya hosi, lawa ma nga hi nyangweni ya hosi, ma lo ti koramisa ma kombisa xichavo ka Hamani, hakuva a hosi yi wa leletele lezo ha yena. Kanilezi Mordekai a nga ti koramisangi ge hambu ku kombisa xichavo.

³Zonake a malanza ya hosi lawa ma nga wa hi laha nyangweni, ma te ngalo ka Mordekai: Hi yini u tshovako a nayo wa hosi?

⁴Makunu laha na ku hunzile masiku yo hlaya na va mu byela lezo, a nga ingisi, va lo bika mhaka ka Hamani, na va lava ku wona a lisine la lezi a nga wa wula Mordekai, hakuva i wa ti wula lezaku muJuda.

⁵Laha Hamani a nga wona lezaku Mordekai i wa nga ti koramisi ge hambu ku kombisa xichavo, i lo zangara.

⁶Kanilezi Hamani i lo alakanya lezaku zi nga ta enela ku khoma Mordekai yece, hakuva va wa mu tlhamusele a lixaka la Mordekai. Hikwalaho Hamani i lo lava ku hihirita vontlhe vaJuda lava va nga wa hi lomu mufunweni wontihe wa Ahasuerusi, a maxaka ya Mordekai.

⁷Hi hweti yo sangula, yi nga Nisani, hi lembe ga wu 12 ga kufuma ka hosi Ahasuerusi, va lo hlahluva Pure, yi nga hlolo, mahlweni ka Hamani siku ni siku ka tihweti tontlhe kala ka ya wu 12, yi nga hweti ya Adare.

⁸Hamani aku ka hosi Ahasuerusi: Ku na ni lixaka lo kari la vanhu ya kumekako xikari ka vanhu, va akileko matikweni wontihe ya mufumo wa wena. A milayo ya vanhu lavo yi hambene ni ya vanwani; ni kambe a va lanzeli milayo ya hosi. Hikwalaho a hosi a yi wuyelwi hi nchumu hi ku va tsika.

⁹Loku a hosi yi zi ranza, ngha ku yimiswa a nayo lezaku va dawa. Mina nzi ta nyika 10,000 wa titalenta ta siliva ka vakhomi va xikhwama xa hosi, kasi va ti veka mabakweni ya hosi.

¹⁰A hosi yi lo susa a phera ya yona canjeni ga yona a yi nyikela ka Hamani nʼwana Hamedata a muAgage, a nala wa vaJuda;

¹¹Aku ka Hamani: Hlayisa a mali ya wena, u maha kuranza ka wena hi vanhu va kona.

¹²Zonake a vamatsalani va hosi va lo vitaniswa hi hweti yo ranga hi siku ga 13, ku ta tsaliwa zontlhe lezi Hamani a nga wa leletele, zi rumelwa ka tinduna, ni vafumeli va matiko wontihe, ni ka tihosana ta vanhu; a tiko ni tiko hi matsaiela ya gona, a ka lixaka ni lixaka hi lirimi la lona; zi wa tsalilwe vitweni ga hosi Ahasuerusi, zi vekelwa a xifungo xa hosi.

¹³A mapapilo ma rumelwa hi mitsukano matikweni wontihe ya hosi, kasi ku hihirita, va chinza vaku bhi vontlhe vaJuda, a vatsongwani ni vahombe, a zihlangana ni vavasati, hi siku ginwe ga 13 hi hweti ya wu 12 yi nga Adare, va tlhela va phanga a nhunzu yabye.

¹⁴A mutsalo lowo wu wa hi nayo wu nga fanele ku biwa nyiwo matikweni wontihe, kasi a vanhu va ti longisela siku lego.

¹⁵Hi kuleletela ka hosi, a mitsukano yi lo huma hi kutsutsuma, ku biwa nyiwo ni le Xuxani a zinzeni. A hosi na Hamani va lo tshama lahasi vanwa, kanilezi a muti wa Xuxani wu wa tele hi kukanganyiseka.