Read tshwa Eksodusi 11 Bible Online

Eksodusi 11 - tshwa bible

Eksodusi 11

¹Zonake Jehova aku ka Mosi: Nza ha ta neha xixaniso xinwe hehla ka Faro ni hehla ka Gipite; zonake i ta mu tlhatlha mu famba. Laha a ta nga mu tlhatlha mu famba, i taya hi ku mu hlongola.

²Byela a vanhu va mina lezaku a vavanuna vontlhe ni vavasati vontlhe a va kombele a zibya za siliva ni nzalama, loyi ni loyi ka muakelane wakwe.

³Jehova i 16 nyika thomo ka vanhu va ka Israeli mahlweni ka vaGipite. Kambe Mosi i wa hi munhu wa hombe nguvu lomu tikweni ga Gipite, ni mahlweni ka malanza ya Faro, ni mahlweni ka tiko gontlhe.

⁴Zonake Mosi aku: Jehova i ngalo: Laha xikari ka wusiku nzi ta hunza hi lomu xikari ka vaGipite.

⁵A matewula wontihe ya vanhu va tiko ga Gipite ma tafa, kusukela ka matewula ya Faro, yena loyi a tshamako xitshanwini xakwe, kala ka matewula ya xitiri lexi xi tirako xigayweni, ni matewula wontihe ya zifuyo.

⁶Ku tava kona mikosi ya hombe tikweni gontlhe ga Gipite, yaku hi cima a yi se nga zwiwa, ni kambe cima yi nga ta ha zwiwa yo kota leyi.

⁷Kanilezi ku nga tava kona a mbyana yi ta nga ahlama a nomu wa yona yi vukela a vanana va ka Israeli, hambu ni zifuyo, kasi mu fela ku tiva lezaku Jehova i hlawulile Israeli xikari ka vaGipite.

⁸Ni malanza wontihe ya wena ma tata ka mina ma ta nzi khizamela, maku: Huma wena ni vanhu vontlhe va wena; lava va ku lanzelako. Zonake nzi ta huma. Zinghaho Mosi i lo suka mahlweni ka Faro, na a zangarile nguvu.

⁹Jehova i lo engeta kambe aku ka Mosi: Faro cima a nga ta ingisa, kasi a zihlamaliso za mina zi fela ku anziswa lomu tikweni ga Gipite.

¹⁰Mosi na Aroni va lo maha zihlamaliso zontlhe lezi mahlweni ka Faro; kanilezi Jehova i lo nonohisa a mbilu ya Faro, a alela a vanana va ka Israeli a ku huma tikweni gakwe. [17]