Read tshwa Joba 19 Bible Online

Joba 19 - tshwa bible

Joba 19

¹Zonake Joba a hlamula, aku:

²Kala rini na ma ha karata muhefemulo wa mina, Ni ku nzi panzela zipanzana hi timhaka ta nwina ke?

³Mu nzi rukile khume ga zikhati, A mu na tingana a ku nzi ruka.

⁴Hambu loku nzi gohile, A nanzu ngwa mina.

⁵Loku mu ti kukumuxa hehla ka mina mu nzi vukela, Mu tiyisa lezaku nzi na ni nanzu,

⁶Tivani lezaku hi Nungungulu a nga nzi wisa, I nzi dembele hi tizinga lakwe.

⁷Languta, mina nza rila hi kubiwa, kanilezi a nzi zwiwi; Nza kombela ku vuniwa, kanilezi a ku na nongameto.

⁸Yena i bhiyile a ndlela ya mina, a nzi zi koti ku hunza; Yena i vekile munyama lomu tisokweni ta mina.

⁹I wutlele a wudzunzo ga mina, I tekile a xidlodlo hlokweni ya mina.

¹⁰X nzi hahlulele matlhelo wontihe, nzi mbhelile; I tsuwule kutsumba ka mina kukotisa a sinya.

¹¹I nzi vindlusele a zanga yakwe, A nzi hlaya nala wakwe.

¹²A mabutho yakwe ma tsombene, Ma longisa a ndlela ya ku nzi vukela, Ma ranzela a tenda ga mina hi wugovelo gabye.

¹³I ahlukanisile vanakulori kule na mina; Ni lava nzi toloveleneko navo va ti maha vambe ka mina.

¹⁴A va ka hina va nzi tsikile, Ni maxaka lawa nzi nga tolovelene nawo ma nzi rivakelwe.

¹⁵Nzi maha mumbe ka malanza ya mina ya xinuna ni ya xisati; Nzi wa matiko kuwoneni kabye.

¹⁶Nzi vitana a nanza ga mina, gi nga nzi hlamuli, Hambu loku nzi gi khongotela hi nomu wa mina.

¹⁷A kuhefemula ka mina ka nuha ka sati wa mina, Nzi nyenyeka ka vana lava va humako mirini wa mamani.

¹⁸Ina, ni zihlangana za nzi nyenya; Ni loku nzi vuka, va nzi ruka.

¹⁹Vontlhe vanghana va mina va lisine va swireka ha mina; Ni lava va nga ranzeka ka mina, va nzi vukela.

²⁰A marambu ya mina ma namarele ka hlonge ya mina ni ka nyama ya mina; Nzi ponile na nzi hi ni hlonge ya meno ya mina ntsena.

²¹Nzi hawukeleni, maxaka yanga, nzi hawukeleni! Hakuva a canja ga Nungungulu gi nzi bile.

²²Hikuyini mu nzi xanisawu khwatsi hi Nungungulu, Mu nga kolwi hi nyama ya mina ke?

²³O, loku ku wo khwatsi a timhaka ta mina ta tsaliwa, Loku ku wo khwatsi ta tsaliwa bhukwini!

²⁴Loku ku wo khwatsi ta kehlelwe hi peni ya xiketse ni tsovu Laha ribyeni kala kupinzuka!

²⁵Hakuva nza zi tiva lezaku a Mutlhatlhisi wa mina wa hanya, Ni lezaku hi magumo i ta yima hehla ka misava. [26]

²⁶Hambu loku a hlonge ya miri wa mina yi onhekile, Nzi ta mu wona Nungungulu na nzi nga ha hi nyameni. [27]

²⁷Nzi ta mu wona mina nwinyi, a mahlo ya mina ma ta mu wona yena wutsumbu, A mbilu ya mina yi navela za kunghaho nzeni ka mina. [28]

²⁸Xikhatini xwalexo mu taku: Hi ta mu xanisela yini? Hi ku alakanya lezaku a tshinya ga mhaka gi ka mina;

²⁹Chavani a supado, Hakuva a zanga yi tsayiswa hi supado, Kasi nwina ma fela ku zi tiva lezaku a kulamula ku kona. [29]