Read tshwa Joba 9 Bible Online

Joba 9 - tshwa bible

Joba 9

¹Zonake Joba i lo hlamula, aku:

²Nza zi tiva lezaku zinghaho: Kanilezi a munhu a nga lulamisa kuyini mahlweni ka Nungungulu ke?

³Loku a kanetisana naye, Cima a nga na ku zi kota ku hlamula a mhaka yinye ka khume ga mazana.

⁴Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

⁵Loyi a kunulako zitsunga, zi nga zi tivi; Loyi a zi wumbulutako hi zanga yakwe;

⁶Loyi a tsekatsekisako misava wu tshanwini ga yona, Ni timhanze ta yona ti ninginizwa.

⁷Loyi a rumako a gambo lezaku gi nga humi, Ni ku umisa a tinyeleti.

⁸Hi yena ha yece a tshambulutako matilo, A fambako hehla ka mabyandlati ya bimbi.

⁹Loyi a nga maha a maArkto, Mahlahle, ni Xirimela, Ni lezi zi etileko za le Dzongeni.

¹⁰Loyi a mahako a zilo za hombe zi nga tibyiwiko, Ina, ni mahanjalati ma nga hiko na ku hlayiwa. [14]

¹¹Languta, wa hunza hi laha ka mina, kanilezi a nzi mu woni; Wa hunza hi mahlweni ka mina, kanilezi a nzi mu tivi,

¹²Languta, loku a teka muphango himani a nga mu tsimbetelako? Himani a nga wulako kakwe, aku: Xini u mahako ke?

¹³Nungungulu a nga rengisi zanga yakwe, Lava va ti kulisako va ti koramisa kakwe.

¹⁴Nzi mani wa ku kala nzi mu hlamula? Nzi ta hlawulisa kuyini a timhaka ta ku mu hlamula ha tona?

¹⁵Loyi, hambu loku nzi wa lulamile, ngha nzi nga mu hlamuli; Kanilezi nzi wa ta ti kombelela ka mulamuli wa mina.

¹⁶Hambu loku nzi mu vitana, a vumela, Nzi wa nga ta kholwa lezaku i zwile a gezu ga mina.

¹⁷Hakuva yena wa nzi tshova hi xihuhuri, A engetela timbanga ta mina ahandle ka nanzu.

¹⁸A nga nzi nyiki ni xikhati xa ku hefemula, Hakuva wa nzi xurisa hi kubayiseka.

¹⁹Hi ku kumbuka ntamu, languta, hi yena Nyamintamu; Loku ku hi nongameto, i ngalo: Himani a to nzi ranisa?

²⁰Hambu loku nzi lulamile, a nomu wa mina wa nzi kona; Hambu loku nziku, nzi mbhelele, yena i taku nzi na ni nanzu.

²¹Nzi lulamile, a nzi khataleli kuhanya ka mina, Mina nzi solisa a wutomi ga mina.

²²I mhaka yinwe ntsena nzi yi tiyisako, Yaku: Wa lovisa valulamileko ni vakubiha hi wumbiri gabye.

²³Loku a ntungu wu daya hi xitshuketi, Yena i ta hleka kuxaniseka ka loyi a nga hiko na nanzu.

²⁴A misava yi nyikilwe canjeni ga va kubiha, Yena wa vala mahlo ya valamuli va yona; Loku ku nga hi yena, himani a nga mahako lezo ke?

²⁵Makunu a masiku ya mina ma tsutsuma ku hunza tsukano, Ma tsutsuma, na ma se nga wona kusaseka.

²⁶Wona ma hunza kukotisa mataru ma hatlisako; Khwatsi hi gama legi gi huhulukelako pfimba wa gona.

²⁷Loku nziku: Nzi ta rivala kuxaniseka ka mina, Nzi susa kutsuva nghoheni ya mina, nzi ti tangalisa;

²⁸Nza chava kuxaniseka ka mina kontlhe, Nza zi tiva lezaku u nga ta nzi khoma kota munhu a nga hiko na nanzu.

²⁹Loku mina nzi bihile, Nzi ti karatela yini mahala?

³⁰Hambu loku nzi hlamba lomu matini ya gapongo, Nzi basisa mandla ya mina leʼga nwacima;

³¹Wena u ta nzi hoxa lomu nzhopeni, Ni tinguwo ta mina ti ta nzi swira.

³²Hakuva yena a hi munhu wo kota mina, wa kuva nzi nga angulanako naye; Ni ku yisana naye hubyeni.

³³A ku na mulamuli xikari ka hina, Loyi a nga lamulako hi canja gakwe.

³⁴A suse nhonga yakwe hehla ka mina, Ni kutshisa kakwe ngha ku nga nzi cheli wutoya.

³⁵Zonake nzi ta wulawula, nzi nga mu chavi, Kanilezi a zinghaho ka mina.