Read tshwa Tisimu 108 Bible Online

Tisimu 108 - tshwa bible

Tisimu 108

¹Lisimu la Davida. Nungungulu, a mbilu ya mina yi tiyile, Nzi ta yimbelela nzi dumisa hi muhefemulo wa mina.

²Vukani, timbila ni xitende, Mina nzi ta vuka ni mixo.

³Jehova, nzi ta ku dumisa xikari ka vanhu, Nzi ta yimbelela nzi ku dumisa xikari ka matiko.

⁴Hakuva wuxinji ga wena gi tlakukile a hehla ka matilo, Ni kutsumbeka ka wena ku chikela marefini.

⁵Nungungulu, ngha u kulisiwa hehla ka matilo, Ni wukulu ga wena hehla ka misava yontlhe.

⁶Hanyisa hi canja ga wena ga xinene, u hi hlamula. Kasi a varanzekako va wena va hanyiswa.

⁷Nungungulu i wulile wutshanwini gakwe go basa, aku; Nzi ta hlula, Nzi ta avanyisa Xekemu, nzi pima a nkova wa Sukoti.

⁸Gileadi wa mina, na Manasse wa mina; Efraime i ndlondla ya hloko ya mina, Juda i nhonga ya mina ya wuhosi.

⁹Moabi hi xinamelo xa mina xo hlambela kona; Nzi hoxa xilato xa mina hehla ka Edome; Nzi ta giya hehla ka Filistia.

¹⁰Himani a ta nga nzi fambisa le mutini wa makhokhola, Himani a ta nga nzi chiketa le Edome:

¹¹Wena Nungungulu, a ku hi hoxangi ke? Nungungulu, a ku humi ni tiyimpi ta hina!

¹²Hi vune ka nala, Hakuva a kuvuna ka munhu a ku nyawuli.

¹³Hi xivuno xa Nungungulu hi ta hlula, Hi yena a ta nga kanzihela a valala va hina.