Read tshwa Tisimu 109 Bible Online

Tisimu 109 - tshwa bible

Tisimu 109

¹Ka muchuli. Lisimu la Davida. Nungungulu, wena loyi nzi ku dumisako, u nga miyeli;

²Hakuva va nzi ahlamele a nomu wo biha ni wa kukhohlisa, Va nzi wulawulela hi lirimi lo hemba wunwa. [409]

³Va nzi ranzele hi timhaka ta livengo, Va nzi vukela ahandle ka nanzu.

⁴Va tlhelisela a liranzo la mina hi livengo, Kasi mina nzi kombela.

⁵Va nzi tlhelisela kusasa hi kubiha, Va tlhelisela liranzo hi livengo.

⁶Nyikela a wa kunghahi ntanwini wa wobiha, Ngha ku yime muranisi reveni gakwe ga xinene. [410]

⁷Ngha a koneke kulamulweni, A mukombelo wakwe a wu hunzuke wuva xionho.

⁸Ngha masiku yakwe ma komaniswa, A xikhundla xakwe xi tekwa hi munwani. [411]

⁹Ngha vanana vakwe va nga hi na dadani, Ni sati wakwe a mahe noni. [412]

¹⁰A vanana vakwe a va mahe vapepetseki ni vakombeli, Ngha va lava xibaba xabye kule ni miti yabye yi hahlukileko.

¹¹Ngha a mupembisi a wutla zontlhe lezi a nga nazo, Ni vamatiko va phanga mihanzu ya ntiro wakwe,

¹²Ku ngave ni munwe loyi a mu zwelako wuxinji, Ngha ku ngave ni munwe a hawukelako vanana vakwe.

¹³A vazukulu vakwe ngha va lobyiswa, A vito gabye gi fuva xizukulwaneni xi gamelako.

¹⁴A kuonha ka vadadani vakwe a ku alakanyiwa mahlweni ka Jehova, A xionho xa nyine wakwe ngha xi nga vinyiwi.

¹⁵Ngha ziva mahlweni ka Jehova xontlhe xikhati, A mahe lezaku va nga ha kumbukiwi laha misaveni.

¹⁶Hakuva a nga alakanyangi ku maha wuxinji, Kanilezi i lo xanisa a xisiwana ni muvumali, Ni loyi a tshovekileko mbilu, kasi ku va lovisa.

¹⁷I lo ranza nzhukano, a tlhela a welwa ha wona; A nga tsakangi ku katekisa, a zikatekiso a zive kule na yena.

¹⁸I lo ambala nzhukano khwatsi i nguwo, Wu lo enghena marumbyini yakwe kukotisa mati, Wuku khwatsi mafura marambyini yakwe.

¹⁹A wuve ka yena khwatsi i nganju leyi a ambalako, Khwatsi hi bhandi legi a ti bohako ha gona masiku wontihe.

²⁰Lezo a zive hakhelo leyi Jehova a hakhelako valala va mina, Ni lava va wulawulako kubiha ha mina.

²¹Kanilezi wena Jehova, Hosi, nzi yimele hi kota ya vito ga wena, Nzi tlhatlhise hakuva a wuxinji ga wena gi nene.

²²Hakuva nzi xisiwana ni muvumali, A mbilu ya mina ya bayiseka nzeni ka mina.

²³Nzi suka khwatsi hi nzhuti wa laha gambyeni, Nzi kukuletwa khwatsi i humbi.

²⁴Madzolo ya mina ma rerekile hi kuyila, Ni nyama ya mina yi mbhelile hi kuwonza.

²⁵Nzi mahile xihlekiso kabye, Loku va nzi wona va zivisa tihloko. [413]

²⁶Nzi vune, Jehova, Nungungulu wa mina, Nzi ponise hi wuxinji ga wena.

²⁷Kasi va tiva lezaku hi canja ga wena, Lezaku hi wena Jehova u zi mahileko.

²⁸Loku va ruka, wena u ta katekisa, Laha na va suka a va wiswe tingana, Kanilezi a nanza ga wena ngha gi tsaka.

²⁹A valala va mina a va ambexiwe tingana, A va fenengele hi kukanganyiseka khwatsi i nguwo.

³⁰Nzi ta mu bonga nguvu Jehova hi nomu wa mina, Futsi, nzi ta mu dumisa xikari ka xidlemo.

³¹Hakuva i yimile canjeni ga xinene ga loyi a vumalako, A mu ponisa ka lava va lamulako muhefemulo wakwe.