Read tshwa Tisimu 11 Bible Online

Tisimu 11 - tshwa bible

Tisimu 11

¹Ka muchuli. Lisimu la Davida. Mina nzi chavele ka Jehova. Mu wulisa kuyini ka mina, muku: Chavela xitsungeni xa wena kota xinyanyani?

²Hakuva a vakubiha va kondla a mawura, Va phaka tigalala tabye, Kasi va fela ku fula a valulamileko lomu munyameni.

³Loku a ziseketelo zi khungumulwe, A wa kululama i ta kuyini?

⁴Jehova i lomu tempeleni yakwe yo basa, A xitshamu xa wuhosi xa Jehova xi le tilweni; A mahlo yakwe ma wona, Ni tikohe takwe ti kamba a vanana va vanhu. [33]

⁵Jehova wa kamba loyi a lulamileko; Kanilezi wa venga a wakubiha ni loyi a ranzako kuleva.

⁶I ta nisa makala ya nzilo hehla ka vakubiha, ni nzilo ni solufa, Ni mheho yi hisako; Lezi zi tava xiavelo xa gombe gabye. [34]

⁷Hakuva Jehova i lulamile, I ranza mitiro yo lulama; A valulamileko va ta wona a nghohe yakwe.