Read tshwa Tisimu 112 Bible Online

Tisimu 112 - tshwa bible

Tisimu 112

¹Dumisani Jehova! I katekile a munhu loyi a chavako Jehova, Loyi a tsakelako nguvu milayo yakwe.

²A pswalo wakwe wu tava ni ntamu misaveni, A xizukulwana xa vakululama xi ta katekiswa.

³A titshomba ni kufuma zi tava ndlwini yakwe, A kululama kakwe ku simamisa kala kupinzuka.

⁴Lomu munyameni a wakululama i ta wona kuwonekela; Yena ngwa tipswalo, ni wuxinji, i lulamile.

⁵I katekile a munhu loyi a zwelako wusiwana, a lombisa, A timhaka takwe ti ta yimeliwa kulamulweni. [418]

⁶Hakuva cima a nga ta tsekatsekiswa, A wakululama i ta alakanyiwa kala kupinzuka.

⁷A nga ta chava a mahungu yo biha, A mbilu yakwe yi tiyile, yi tsumba Jehova.

⁸A mbilu yakwe yi tiyile, a yi chavi nchumu, Kala ava ni zigingi hehla ka valala vakwe.

⁹Wa hana, a nyika ka lava va vumalako; A kululama kakwe ku simamisa kala kupinzuka; A limhonzo lakwe li ta tlakuswa hi wudzunzo. [419]

¹⁰A wakubiha i ta zi wona a tsanwa, I ta getsela meno, a hlomuka; A kuxuva ka wakubiha ku ta fuva.