Read tshwa Tisimu 12 Bible Online

Tisimu 12 - tshwa bible

Tisimu 12

¹Ka muchuli wa Xeminite. Lisimu la Davida. Hanyisa, Jehova, hakuva lava va lulamileko va mbhelile, A va kholekileko a va ha hi kona xikari ka vanana va vanhu. [35]

²Va hembelana mawunwa ni vaakelane vabye, Va xengetela hi milomu yabye, Va wulawula hi timbilu timbiri.

³Jehova a hetise a milomu yi wulawulako mahlenga, Ni lirimi leli li wulawulako matshanza.

⁴Lava va nge: Hi tirimi ta hina hi na ni ntamu; A milomu nja hina, himani a hi fumako? [36]

⁵Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

⁶A timhaka ta Jehova timhaka ti basileko, Ti khwatsi i siliva yi hlutilweko, Yi basisilweko ntlhanu ni mambiri makhati. [37]

⁷Jehova, u ta va hlayisa; U ta va lonzowota ka lexi xizukulwana kala kupinzuka.

⁸A vakubiha va ti fambela matshanwini wontihe, Loku a kukhohlakala ku su fenemete xikari ka vana va vanhu.