Read tshwa Tisimu 122 Bible Online

Tisimu 122 - tshwa bible

Tisimu 122

¹Lisimu la Davida la kuya kukhozeleni. Nzi lo tsaka laha va ngaku ngalo ka mina: A hi yeni ndlwini ya Jehova.

²A mikonzo ya hina yi yimile Lomu tinyangweni ta wena, Jerusalema.

³Jerusalema u akilweko kota muti Lowu a tiyindlu ta wona ti gamekeneko,

⁴Laho ti kanzihako tiya kona a tixaka ta Jehova, Khwatsi hi nayo wa Israeli, Kasi ku ya dumisa a vito ga Jehova. [461]

⁵Hakuva ku vekilwe kona a zitshamu za kulamula, A zitshamu za wuhosi za yindlu ya ka Davida. [462]

⁶Kombelelani a kurula ka Jerusalema, Lava va ku ranzako va ta vuvuma.

⁷A kuve kona kurula lomu nzeni ka tigingisi ta wena, Ni kuvuvuma lomu ziluvelweni za wena.

⁸Hi kota ya vamakabye ni vanghana va mina Nzi taku: A kurula a kuve na wena.

⁹Hi kota ya yindlu ya Jehova, Nungungulu wa hina, Nzi ta ku lavela zinene za wena.