Read tshwa Tisimu 144 Bible Online

Tisimu 144 - tshwa bible

Tisimu 144

¹Lisimu la Davida. A khesiwe Jehova, a ribye ga mina, Loyi a nga gonzisa mandla ya mina a yimpi. Ni titiho ta mina a kulwa. [507]

²Hi yena tipswalo ta mina ni khokhola ga mina, I khokhola ga mina go tlakuka, tlhelo mutlhatlhisi wa mina, Xitlhangu xa mina, ni wuchavelo ga mina; Loyi a nzi tsongahatelako vanhu va mina.

³Jehova, xini munhu lezaku wena u mu tiva? Ni nʼwana wa munhu lezaku u mu khatalela ke? [508]

⁴Munhu o fana ni mhehwana, A masiku yakwe me khwatsi i nzhuti loʼwu hunzako.

⁵Jehova, releta matilo ya wena, u chika; Henya zitsunga, kasi za huma musi.

⁶Ruma zingwalangwanza, u hangalasa valala va mina, Phanda tigalala ta wena, u va hlongola.

⁷Nawuluta mandla ya wena hi le hehla u nzi ponisa, U nzi tsawula matini ya hombe, U nzi hlanguta mandleni ya vamatiko,

⁸Lava milomu yabye yi wulawulako mawunwa, Ni canja gabye ga xinene gi nga canja ga kukanganyisa.

⁹Nungungulu, nzi ta yimbelela lisimu liswa ka wena, Nzi ku dumisa hi xitende xa khume ga tingoti,

¹⁰Wena loyi u nyikako kuhlula ka tihosi, U hlangutako nanza ga wena Davida supadweni leyi yi dayako.

¹¹Nzi hlangute, u nzi ponisa mandleni ya vamatiko, Lava milomu yabye yi wulawulako mawunwa, Ni canja gabye ga xinene gi nga canja ga kukanganyisa.

¹²A varisanyana va hina va taku khwatsi makhuhu, Ma kula wusweni ga wona; Ni vanhwana va hina vaku khwatsi maribye ya magumo Ma vatlilweko kasi ku bombisa ziluvelo za tihosi.

¹³A zigurumbu za hina zi tele hi kuga ka tixakaxaka, Ni tiyivu ta hina ti pswala ha khume ga mazana, Ina, mazana ya mazana lomu mikoveni ya hina.

¹⁴A tinkavi ta hina ti rwexilwe minzhwalo, A makhokhola a ma boxiwangi, a ku na ku yiswa kukhomiweni, A ku na kurila maphangweni ya hina.

¹⁵Va katekile a vanhu va kunghaho; Va katekile a vanhu lava Jehova a nga Nungungulu wabye.