Read tshwa Tisimu 147 Bible Online

Tisimu 147 - tshwa bible

Tisimu 147

¹Dumisani Jehova! Hakuva zi nene ku dumisa Nungungulu wa hina; Zi sasekile, i fanekele ku dumisiwa.

²Jehova wa vuxa Jerusalema, Wa tsombanyisa lava va hangalisilweko va Israeli. [518]

³Wa tangalisa lava va timbilu ti tshovekileko, A bohelela timbanga tabye.

⁴Wa hlaya a ntsengo wa tinyeleti, Wa ti vitana hi mavito ya tona.

⁵A Hosi ya hina nja hombe, yi na ni ntamu wa hombe; A wutlhari ga yona a gi na lipimo. [519]

⁶Jehova wa lonzowota lava va koramileko, A vakubiha va hoxiwa lahasi. [520]

⁷Yimbelelani Jehova zinwe ni kubonga, Yimbelelani Nungungulu wa hina hi xitende.

⁸Loyi a fenengetako a tilo hi marefu, A nisako vula misaveni, Ni ku milisa byanyi lomu zitsungeni. [521]

⁹Loyi a nyikako zihari a kuga ka zona, A gisa mavinyani ya zikunguwa loku ma rila. [522]

¹⁰A nga tsakeli a ntamu wa haxi, Hambu ku tsakiswa hi kutsutsuma ka munhu.

¹¹Jehova wa xalaliswa hi lava va mu chavako, Lava va tsumbako wuxinji gakwe.

¹²Jerusalema, dumisa Jehova, Zioni, dzumeleta Nungungulu wa wena.

¹³Hakuva i tiyisile a zikwinyaro za tinyangwa ta wena, I katekisile a vana va wena va nga xikari ka wena.

¹⁴I vanga kurula mimbhinganweni ya wena, Wa ku xurisa hi mavele ma nene.

¹⁵Wa rumela zilayelo zakwe laha misaveni, A mhaka yakwe yi tsutsuma mazambo.

¹⁶Wa nisa gapongo khwatsi i woya ga tiyivu, Wa hangalasa mbhera khwatsi i khuma.

¹⁷Wa wisa a maralala yakwe khwatsi i matlhatlha, Himani a xi tiyelako a xirami xakwe?

¹⁸A ruma gezu gakwe, zi nyunguluka; Wa maha mheho yakwe yi pupuxa, a mati ma khulunga.

¹⁹Wa hlawutela mhaka yakwe ka Jakobe, Ni milayo yakwe ni zileletelo zakwe ka Israeli. [523]

²⁰A nga mahangi lezo ka manwani matiko, A zileletelo zakwe a ma zi tivi. Dumisani Jehova!