Read tshwa Tisimu 148 Bible Online

Tisimu 148 - tshwa bible

Tisimu 148

¹Dumisani Jehova! Dumisani Jehova hi le matilweni, Mu dumiseni le hehlahehla. [524]

²Mu dumiseni, nwina nwentlhe tingelosi takwe, Mu dumiseni, nwina nwentlhe tiyimpi takwe.

³Mu dumiseni, nwina gambo ni hweti, Mu dumiseni, nwina nwentlhe tinyeleti ta kuwonekela.

⁴Mu dumiseni, nwina matilo ya matilo, Na nwina mamati mu nga hehla ka matilo. [525]

⁵Ngha zi dumisa a vito ga Jehova, Hakuva i lo leletela, zi vangiwa.

⁶I zi tiyisile lezaku ziva kona kala kupinzuka, I zi nyikile nayo, ku hava ni xinwe xi wu hambunyetako. [526]

⁷Dumisani Jehova laha misaveni, Nwina madragoni ni kueta kontlhe.

⁸A nzilo ni maralala, gapongo ni hunguva, Ni bhubhutsa leʼgi mahako kulaya kakwe;

⁹A zitsunga ni yontlhe miganga, Tisinya ta mihanzu, ni tisedari tontlhe;

¹⁰Zivanza ni zifuyo zontlhe; Leʼzi kokakokako, ni tinyanyani ti purumako;

¹¹Tihosi ta misava, ni wontihe matiko; Tihosana, ni Valamuli vontlhe va misava;

¹²Majaha ni vanhwana, Zikhosana ni vanana:

¹³A va dumise a vito ga Jehova, Hakuva hi vito gakwe goce gi tlakukileko; A wuhosi gakwe gi tlakukile ku hunza misava ni tilo. [527]

¹⁴I tlakusile a limhonzo la vanhu vakwe, Lezaku a dumiswa hi vakubasa vakwe vontlhe; Va nga vana va Israeli, a tiko gi nga kusuhani kakwe. Dumisani Jehova!