Read tshwa Tisimu 149 Bible Online

Tisimu 149 - tshwa bible

Tisimu 149

¹Dumisani Jehova! Yimbelelani Jehova a lisimu liswa, Ni kudumisa kakwe tsombanweni wa vabasileko.

²Israeli a tsakele mumahi wakwe, A vanana za Zioni a va tsakele a Hosi yabye.

³A va dumise a vito gakwe hi kukina, Va mu khesa hi tingomana ni zitende. [528]

⁴Hakuva Jehova i xalele hi vanhu vakwe, I bombisa a vakurula hi kuhanyisa kakwe.

⁵A vakubasa a vave ni zigingi hi kota ya wukulu gakwe, Va yimbelela hi litsako masangweni yabye.

⁶A tisimu ta Nungungulu a tive milonwini yabye, Ni supado ya wukari gimbiri mandleni yabye; [529]

⁷Kasi ku phota ka vamatiko, Ni ku tsayisa vanhu;

⁸Kasi ku boha tihosi tabye hi mangenje, Ni vahombe vabye hi makhotso ya tisimbi; [530]

⁹Kasi ku va lamula hi kulamula ku tsalilweko. Hi wudzunzo va nga nago vontlhe a vakubasa vakwe. Dumisani Jehova! [531]