Read tshwa Tisimu 15 Bible Online

Tisimu 15 - tshwa bible

Tisimu 15

¹Lisimu la Davida. Jehova, himani a ta nga luvela tendeni ga wena? Himani a ta nga aka le xitsungeni xa wena xi basileko ke?

²Hi loyi a fambako hi nongameto, a mahako kululama; Loyi a wulawulako lisine mbilwini yakwe; [42]

³Loyi a nga lumbetiko hi lirimi lakwe, Loyi a nga mahiko kubiha ka xaka gakwe, Ge hambu ku wulawula nzhukano ka muakelwani wakwe;

⁴Loyi a cuwukako a wakubiha hi mahlo ya kusola, Kanilezi a dzunza lava va chavako Jehova; Loyi a nga hunzuliko xifungo xakwe, hambu loku a lahlekelwa yena wutsumbu; [43]

⁵Loyi a nga pembisiko mali yakwe kasi ku bhinzula, Ge hambu ku rengelelwa kasi ku kumisa nanzu munhu a nga hiko na nanzu. Loyi a mahako lezo cima a nga ta tsekatsekiswa. [44]