Read tshwa Tisimu 26 Bible Online

Tisimu 26 - tshwa bible

Tisimu 26

¹Lisimu la Davida. Nzi yimele kulamulweni, Jehova; Hakuva nzi fambile hi wunene. Hakuva nzi tsumbile Jehova hi kungakanakaniwiko.

²Jehova, nzi hlole, u nzi kamba, U ringa tiswa ta mina ni mbilu ya mina.

³Hakuva a wuxinji ga wena gi le mahlweni ka mina, Nzi famba zineneni za wena.

⁴A nzi tshami ni vanhu vo hemba wunwa, Hambu ni ku hlengela ni vaxengeteli.

⁵Nza venga a hlengeletano wa vaonhi, A nzi tshami zinwe ni vakubiha.

⁶Nzi ta hlamba mandla ya mina kululameni, Nzi renzelekela a nganzelo ga wena, Jehova.

⁷Kasi nza fela ku zwata a gezu ga kubonga, Nzi tlhatlhambutela a zirewukiso za wena.

⁸Jehova, nza ranza a wuakelo ga yindlu ya wena, Ni wutshamu legi gi nga ni kungangamela ka wena. [84]

⁹U nga susi a muhefemulo wa mina zinwe ni vaonhi, Hambu a wutomi ga mina zinwe ni zigevenga.

¹⁰Lava a mandla yabye ma teleko hi kubiha, Ni canja gabye ga xinene gi tele hi kurengelela.

¹¹Kanilezi mina nza famba wuneneni, Nzi tlhatlhise ni ku nzi zwela wuxinji.

¹²A nkonzo wa mina wu yimile wutshanwini gi lulamileko; Nzi ta dumisa Jehova lomu mitsombanweni.