Read tshwa Tisimu 28 Bible Online

Tisimu 28 - tshwa bible

Tisimu 28

¹Lisimu la Davida. Jehova, nza rila ka wena, Ribye ga mina, u nga vali ndleve ka mina, Ku nga taku loku u nzi miyelela Nzi kota lava va ngirimelako xilahleni.

²Zwana a gezu ga mikhongelo ya mina laha na nzi ku vitana, Loku nzi tlakusa a mandla ya mina wutshanwini ga wena go Basabasa.

³U nga nzi susi zinwe ni vaonhi ni vamahi va kubiha; Lava va wulawulako kurula ni va akelwani vabye, Kanilezi a timbilu tabye na ti tele hi khohlakalo.

⁴Va nyike kukotisa a mitiro yabye, Ni kukotisa a kubiha ka zimaho zabye; Va chacbazele kukotisa mitiro ya mandla yabye, Va nyike lezi zi va ringeneko.

⁵Hakuva a va khatali hi mitiro ya Jehova, Ne ni zimaho za mandla yakwe. Hikwalaho i ta va wisa lahasi, A nga ha ta va akisa.

⁶Ngha a dumiswe Jehova, Hakuva i zwile a gezu ga mikhongelo ya mina.

⁷Jehova i ntamu wa mina ni xitlhangu xa mina; A mbilu ya mina yi lo tsumba yena, nzi vunekile; Hikwalaho a mbilu ya mina ya tsaka nguvu, Nzi ta mu dumisa hi lisimu la mina.

⁸Jehova i ntamu wa vanhu vakwe; I khokhola ga kuhanyiswa ka a totilweko wakwe.

⁹Hanyisa vanhu va wena, u katekisa a tshomba ya wena; Maha murisi wabye, u va tlakusa kala kupinzuka. [87]