Read tshwa Tisimu 29 Bible Online

Tisimu 29 - tshwa bible

Tisimu 29

¹Lisimu la Davida. Nwina vana va Nungungulu, hlayelani Jehova, Hlayelani Jehova a wudumo ni ntamu!

²Hlayelani Jehova a wudumo gi faneleko a vito gakwe, Khizamelani Jehova na mu ambele zo basa.

³A gezu ga Jehova gi dzuma hehla ka mati, A Nungungulu wa kungangamela wa dzinza; Jehova i le hehla ka mamati ya hombe.

⁴A gezu ga Jehova gi zwakala hi ntamu, A gezu ga Jehova gi tele hi wuhosi. [88]

⁵A gezu ga Jehova gi tshova tisedare; Jehova wa tshova a tisedare ta Lebanoni.

⁶Wa ti maha ti khana khwatsi marole; Lebanoni na Sirioni khwatsi tinyarana tiswa.

⁷A gezu ga Jehova gi wombisa malangavi ya nzilo.

⁸A gezu ga Jehova ga tsekatsekisa xiwula, Jehova wa tsekatsekisa a xiwula xa le Kadexe.

⁹A gezu ga Jehova gi pswalisa a tihlangu; Gi kwamulela makhwati ma basa; Kasi lomu tempeleni yakwe zontlhe zi wula ziku; Wukosi!

¹⁰Jehova i wa fuma xikhatini xa Ntalo; Ina, Jehova i tava Hosi kala kupinzuka. [89]

¹¹Jehova i ta nyika ntamu ka vanhu vakwe; Jehova i ta katekisa tiko gakwe a gi nyika kurula.