Read tshwa Tisimu 3 Bible Online

Tisimu 3 - tshwa bible

Tisimu 3

¹Lisimu la Davida laha a nga tsutsuma mahlweni ka Absalome, a nʼwana wakwe. Jehova, va talisile ku yini a valala va mina! Mbanyingi lava va nzi vukelako!

²Mbanyingi lava va wulako ha mina: Nungungulu a nga ta ha mu hlanguta. (Sela.) [10]

³Kanilezi wena Jehova u xitlhangu xa mina, U wukosi ga mina, loyi a tlakusako hloko ya mina.

⁴Nzi vitana ka Jehova hi gezu ga mina, Yena wa nzi hlamula hi le xitsungeni xakwe xo basa. (Sela.)

⁵Nza ti lata, nzi etlela wurongo, Nzi tlhela nzi vuka, hakuva Jehova wa nzi tiyisa.

⁶A nzi chavi mazana-zana ya vanhu, Lava va nzi ranzeleko matlhelo wontihe. [11]

⁷Vuka Jehova! nzi ponise, O Nungungulu wa mina! Hakuva hi wena u bako a marama ya valala va mina vontlhe, U tshova meno ya vakubiha.

⁸A kuhanyisa kuta hi ka Jehova: A xikatekiso xa wena ngha xive hehla ka vanhu va wena. (Sela.) [12]