Read tshwa Tisimu 32 Bible Online

Tisimu 32 - tshwa bible

Tisimu 32

¹Lisimu la Davida, Maxili. I katekile yena loyi a xihambuko xakwe xi tsetselelweko, Loyi a xionho xakwe xi fenengetilweko. [95]

²I katekile a munhu loyi Jehova a nga mu hlayeliko kuonha, Loyi a moya wakwe wu nga hiko na kukhohlisa.

³Laha nzi nga miyela a marambu ya mina ma lo gutlagutla Hi kuketa ka mina gontlhe siku.

⁴Hakuva a mumu ni wusiku a canja ga wena gi wa binzile hehla ka mina; A nzhongo wa mina wu lo womiswa ku fana ni kuvalela ka ximumu. (Sela.)

⁵Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) [96]

⁶Hi kota ya lezo ngha vontlhe va lulamileko va khongela ka wena A xikhatini lexi wena wa ha kumiwako; Hakunene, laha a mati ya hombe ma khulungako ma nga ta chikela ka vona. [97]

⁷Wena u wuchavelo ga mina, wa nzi lonzowota zikaratweni; U ta nzi ranzela hi tisimu ta kuponiswa. (Sela.)

⁸Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

⁹Mu nge khwatsi mu mahaxi kutani timbongola, leti ti nga hiko na kupima; Leto a kufuya ka tona ku nga matomu ma ti khomako; Loku ti nga hi nawo a ti na ku tshinela ka wena. [98]

¹⁰A wakubiha i na ni zixaniso zo tala, Kanilezi loyi a tsumbako Jehova i ta mahelwa wuxinji.

¹¹Tsakeleni Jehova, mu nengela nwina va kululama, Mu hlalela hi litsako nwina nwentlhe mu longamileko mbilwini. [99]