Read tshwa Tisimu 34 Bible Online

Tisimu 34 - tshwa bible

Tisimu 34

¹Lisimu la Davida, laha a nga ti hungukisa mahlweni ka Abimeleki, a hlongolwa hi yena. Nzi ta dumisa Jehova wontihe masiku; Nzi ta mu bonga hi nomu wa mina xontlhe xikhati.

²A muhefemulo wa mina wu ta ti kulisa ha Jehova; Lava va koramileko va ta zizwa va tsaka.

³Dumisani Jehova zinwe na mina; A hi kuliseni zinwe a vito gakwe.

⁴Nzi lo hlota Jehova, i lo nzi hlamula; I lo nzi tlhatlhisa kuchaveni ka mina kontlhe.

⁵Lava va cuwukako ka yena va ta nwayitana hi litsako, Ni tinghohe tabye a ti na tingana.

⁶A munhu loyi wa xisiwana i lo kombela, na Jehova i lo ingisa, A mu ponisa zikaratweni zakwe zontlhe.

⁷A ngelosi ya Jehova yi gova yi ranzela lava va mu chavako, Yi va tlhatlhisa. [105]

⁸Ringani mu wona lezaku Jehova i nene; I katekile a munhu loyi a chavelako ka yena. [106]

⁹Chaveni Jehova, nwina vobasa vakwe, Hakuva lava va mu chavako a va vumali nchumu.

¹⁰A zinghalana zi nga vumala, ni kuzwa ndlala, Kanilezi lava va hlotako Jehova va nga ta vumala ni nchumu wunwe wo saseka. [107]

¹¹Ngonani vanana, mu nzi ingisela; Nzi ta mu gonzisa xichavo xa Jehova.

¹²Himani loyi a xuvako wutomi, Ni ku ranza masiku ya kusaseka? [108]

¹³Hlayisa lirimi la wena kubiheni, Ni milomu ya wena ka magezu ya kukhohlisa. [109]

¹⁴Suka kubiheni, u maha kusaseka; Hlota kurula, u ku lanzela. [110]

¹⁵A mahlo ya Jehova ma tsonometa a valulamileko; Ni tindleve takwe ti kangatele huwa yabye. [111]

¹⁶Kanilezi a nghohe ya Jehova yi ta tsanwa ka lava va mahako kubiha, Kasi ku fuvisa kualakanya kabye laha misaveni.

¹⁷Loku a valulamileko va rila, Jehova wa ingisa; A va tlhatlhisa zikaratweni zabye.

¹⁸Jehova i kusuhi ni lava va tshovekileko timbilu; A hanyisa lava va nga ni moya wu panzekileko. [112]

¹⁹A makhombo ya loyi a lulamileko manyingi; Kanilezi Jehova wa mu hlanguta ka wona wontihe.

²⁰Wa hlayisa marambu yakwe wontihe, Ku nga ta tshoveka hambu ni ginwe. [113]

²¹A khombo gi ta daya a wakubiha, Ni lava va vengako a valulamileko va ta koneka.

²²Jehova wa tirula a mihefemulo ya malanza yakwe; Ku nga ta koneka ni munwe wa lava va chavelako ka yena.