Read tshwa Tisimu 37 Bible Online

Tisimu 37 - tshwa bible

Tisimu 37

¹Lisimu la Davida. U nga zangari hi kota ya vakubiha; Ngha u ngave na timbilu ha vona lava va tirako leʼzo biha. [124]

²Hakuva lokuloku va ta tsemiwa ku fanana ni byanyi, Va wuna khwatsi hi lihunga liswa. [125]

³Tsumba Jehova, u maha kusaseka; Lezo u ta aka tikweni, u tsumbeka.

⁴Ti xalalise ha Jehova, Yena i ta ku nyika a kuxuva ka mbilu ya wena.

⁵Nyikela a ndlela ya wena ka Jehova, Tsumba kakwe, yena i ta zi maha. [126]

⁶I ta wonekelisa a kululama ka wena khwatsi hi kuwonekela, Ni fanelo ya wena kota laha munwini.

⁷Rutisa mahlweni ka Jehova, u mu rinzela hi lihlaza-mbilu; U nga zangari ha yena loyi a vuvumako ndleleni yakwe, Hi kota ya munhu loyi a humelelako hi makungo yo biha.

⁸Khawula zanga, u tsika khulo; U nga zangari, hakuva zi vanga kubiha ntsena.

⁹Hakuva a vamahi va kubiha va ta lobyiswa; Kanilezi lavo va rinzelako ka Jehova va taga tshomba ya tiko.

¹⁰Ka ha hi xikhatanyana, zonake a wakubiha a nga ta kuva kona, Loku u languta wutshamu gakwe i tava hava.

¹¹Kanilezi lava va rulako va taga tshomba ya tiko, Va ta xalaliswa hi kurula ka hombe. [127]

¹²A wakubiha wa tsema xikungo hi loyi a lulamileko, A getsela meno yakwe ka yena.

¹³Kanilezi Hosi ya mu hleka, Hakuva yi wona lezaku a siku gakwe gata.

¹⁴A vakubiha va hlomula supado, va kondla mawura, Kasi ku wisa lava va vumalako ni zisiwana, Ni ku daya lava va nga ni hanyela gi lulamileko.

¹⁵A supado yabye yi ta gwaza timbilu tabye wutsumbu, Ni mawura yabye ma ta tshoveka.

¹⁶Lezi zi tsongwani a nga nazo a munhu a lulamileko, I chuko ku hunza leʼzo tala a nga nazo a wakubiha.

¹⁷Hakuva a mawoko ya vakubiha ma ta tshobyiwa, Kanilezi Jehova wa tiyisa lava va lulamileko.

¹⁸Jehova wa tiva a masiku ya lava va mbheleleko, Ni tshomba yabye yi ta simamisa kala kupinzuka.

¹⁹Va nga tava ni tingana xikhatini xa khombo, A masikwini ya ndlala va ta xura.

²⁰Kanilezi a vakubiha va ta lova, Ni valala va Jehova va ta kota kuhluka ka wuriselo, Va ta nwalala kota musi.

²¹A vakubiha va pemba, va nga ha tlhelisi; Kanilezi loyi a lulamileko wa zwela wuxinji, i na ni wuhana. [128]

²²Hakuva lava Jehova a va katekisileko va ta fumela tiko, Kanilezi lava va rukatelweko hi yena va ta hetiswa.

²³Jehova wa tiyisa a mikonzo ya loyi a lulamileko, Wa xalaliswa hi hanyela gakwe.

²⁴Hambu loku awa, a nga ta wela magumo, Hakuva Jehova i mu khomile hi woko.

²⁵Nzi wa hi muswa, makunu nzi wa kale, Kanilezi a nzi se nga wona a wakululama a tsikiwa, Ge hambu ku wona a vanana vakwe va kombela zakuga.

²⁶Wontihe masiku wa zwela wuxinji, a pembisa; A vana vakwe va katekisilwe. [129]

²⁷Huma kubiheni, u maha kusasa, U tshameka tikweni kala kupinzuka.

²⁸Hakuva Jehova wa ranza kululama, A nga tsiki a vobasa vakwe; Va hlayiseka kala kupinzuka, Kanilezi a pswalo wa vakubiha wu ta lobyiswa.

²⁹A valulamileko va taga tshomba ya tiko, Va aka ka gona kala kupinzuka.

³⁰A nomu wa loyi a lulamileko wu humesa wutlhari, Ni lirimi lakwe li wulawula a nongameto.

³¹A nayo wa Nungungulu wakwe wu lomu mbilwini yakwe, A mikonzo yakwe a yi retemuki.

³²A wakubiha wa cuwuka loyi a lu lamileko, A lava ku mu daya.

³³Jehova cima a nga ta mu tsika mandleni yakwe, Ge hambu ku mu kona laha yena a lamulwa.

³⁴Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

³⁵Nzi wonile a wakubiha a nga hini ntamu wa hombe, A nga nava khwatsi hi sinya yo nyuka; [130]

³⁶Kanilezi laha nzi nga hunza, i wa nga hi kona; Nzi lo mu lava, kanilezi a nzi mu kumangi.

³⁷Cuwukisisa a munhu a mbheleleko, u languta loyi a lulamileko, Hakuva a munhu wa kurula i na ni vazukulu.

³⁸A vahambunyeti va ta lobyiswa vontlhe; Kanilezi a pswalo wa vakubiha wu ta tsenwa.

³⁹A kuhanyiswa ka valulamileko kuta hi ka Jehova, Hi yena khokhola gabye xikhatini xa zikarato.

⁴⁰Jehova wa va vuna, a va hlangu ta; I va hlanguta ka vakubiha, a va hanyisa, Hakuva va chavele kakwe. [131]