Read tshwa Tisimu 4 Bible Online

Tisimu 4 - tshwa bible

Tisimu 4

¹Ca muchuli wa Neginote. Lisimu la Davida. Loku nzi vitana, nzi hlamule, wena Nungungulu wa kululama ka mina, Wena loyi u nzi tlhatlhisileko laha nzi nga hi kuhlokisweni, Nzi mahele wuxinji, uzwa a mukombelo wa mina.

²Nwina vana va vanhu, ku ta kala kuva rini a wudzunzo ga mina na gi hunzuka giva tingana ke? Ku ta kala kuva rini na ma ha ranza leʼzi nga nyawuliko ni ku hlota mawunwa ke? (Sela.)

³Tivani lezaku Jehova i ti hlawulele a munhu nene; Jehova i ta nzizwa loku nzi vitana ka yena.

⁴Rurumelani, mu nga onhi; Ehleketani loku mu hi masangweni ya nwina, Mu rutisa. (Sela.)

⁵Nyikelani a miphahlelo ya kululama, Na mu tsumba Jehova. [13]

⁶Mbanyingi va wulako, vaku: Himani a ta nga hi kombisa leʼzi nga nene? Jehova, hi woningele hi kuwonekela ka nghohe ya wena.

⁷U tsakisile a mbilu ya mina Ku hunza a kutsaka ka timbilu tabye Loku va nyikwa mavele ni vinya go tala.

⁸Nzi ta ti lata nzi etlela hi kurula, Hakuva wena Jehova wa nzi vumela ku tshama kuponeni. [14]