Read tshwa Tisimu 47 Bible Online

Tisimu 47 - tshwa bible

Tisimu 47

¹Ka muchuli. Lisimu la vana va Kora. Phakatelani mandla, nwina nwentlhe matiko; Kanyulukani ka Nungungulu hi migiyo.

²Hakuva Loyi a Hunzeleleko Kutlakuka wa chaveka. Hi yena Hosi ya hombe laha misaveni yontlhe. [157]

³I ta hi khozisela a matiko, A veka mifumo lahasi ka mikonzo ya hina.

⁴Wa hi hlawutela a tshomba ya hina, A wukulu ga Jakobe loyi a mu ranzako. (Sela.)

⁵Nungungulu i tlakukele hehla hi kukanyuluka ka litsako, Jehova i humele ni guwa ga mimpunzu.

⁶Yimbelelani Nungungulu, yimbelelani; Yimbelelani ka Hosi ya hina, yimbelelani!

⁷Hakuva Nungungulu i Hosi ya misava yontlhe, Yimbelelani lisimu.

⁸Nungungulu wa fumela matiko; Nungungulu i tshamile xitshanwini xakwe xo basa.

⁹A tihosana ta matiko ti tsombene, Zinwe ni vanhu va Nungungulu wa Abrahama,

¹⁰Hakuva a zitlhangu za misava zi lumba Nungungulu; Yena i hunzelele kutlakuka.