Read tshwa Tisimu 52 Bible Online

Tisimu 52 - tshwa bible

Tisimu 52

¹Ka muchuli, Maxili, Lisimu la Davida, laha Doegi a nga ta byela Saule ku ngalo, Davida i yile ndlwini ya Ahimeleki. Munhu wa lunya; Hikuyini u ti kukumukisako hi kubiha ke? A wuxinji ga Nungungulu gi simamisa kala kupinzuka.

²A lirimi la wena li pola zilo zi bihileko, Li kariha khwatsi likari, wena mukhohlisi.

³U ranza kubiha ku hunza kusaseka, U ranza mawunwa ku hunza ku wulawula zinene. (Sela.)

⁴U ranza wontihe a magezu ma lovisako, Wena wa lirimi lo kanganyisa.

⁵Hikwalaho Nungungulu i ta ku lovisa kala kupinzuka, I ta ku khoma a ku susa ndlwini ya wena, A ku tsuwula tikweni ga vahanyako. (Sela.)

⁶A vakululama va ta zi wona, va chava, Va ta mu hleka, vaku:

⁷Hi nga wona munhu loyi a nga tekangiko Nungungulu a kuva khokhola gakwe, A tsumba ntsena a wunyingi ga titshomba takwe, A ti tiyiseta lomu kubiheni kakwe.

⁸Kanilezi mina nzi fanana ni sinya yo nyuka ya oliva lomu ndlwini ya Nungungulu: Nzi tsumba wuxinji ga Nungungulu kala kupinzuka.

⁹Nzi ta ku bonga kala kupinzuka hakuva wena u zi mahile; A mahlweni ka vahlawulilweko va wena Nzi ta tsumba vitweni ga wena, hakuva gi nene.