Read tshwa Tisimu 56 Bible Online

Tisimu 56 - tshwa bible

Tisimu 56

¹Ka muchuli hehla ka Jonate-elemu-rekokimu, Miktamu ya Davida, laha vaFilistia va nga mu khoma le Gate. Nungungulu, nzi zwele wuxinji, hakuva vanhu va lava ku nzi kanzihela; Gontlhe siku valwa na mina va nzi hlokisa.

²Siku ni siku a valala va mina va lava ku nzi kanzihela, Hakuva mbanyingi lava va lwako na mina hi matshanza.

³Ni ka xihi xikhati nzi chavako, Nzi ta tsumba wena.

⁴Hi xivuno xa Nungungulu nzi ta dumisa mhaka yakwe, Nzi tsumba Nungungulu, nzi nga ta chava nchumu. Loyi a nga nyama ntsena a nga nzi mahela yini? [181]

⁵Siku ni siku va hunzulusa magezu ya mina; Wontihe a maalakanyo yabye nja ku nzi vukela hi kubiha.

⁶Va tsombana va xiyelela mikonzo ya mina, Hakuva va hlota a wutomi ga mina.

⁷Va nga pona na va bihile kota lezi ke? Nungungulu, wisa a vamatiko a zangeni ya wena.

⁸U hlayile a masiku ya kunzulanzula ka mina; Chela a mihloti ya mina lomu ka nghotso ya wena; A yi tsaliwangi lomu bhukwini ga wena ke?

⁹Zonake a valala va mina va ta tlhelela nzhako hi siku legi nzi rilako; Lezo nza zi tiva, hakuva Nungungulu i na mina.

¹⁰Hi xivuno xa Nungungulu nzi ta dumisa mhaka yakwe. Hi xivuno xa Jehova nzi ta dumisa mhaka yakwe.

¹¹Nzi tsumba Nungungulu, nzi nga ta chava nchumu; A vanhu va nga nzi mahela yini ke?

¹²Nungungulu, nzi fanele ku tatisa a zifungo lezi nzi ku maheleko zona; Nzi ta ku humesela a minyikelo ya kubonga.

¹³Hakuva u ponisile a muhefemulo wa mina kufeni, Ni mikonzo ya mina le kuweni; A kuva nzi famba mahlweni ka Nungungulu, Lomu kuwonekeleni ka vahanyako.