Read tshwa Tisimu 58 Bible Online

Tisimu 58 - tshwa bible

Tisimu 58

¹Ka muchuli, Altaskite, Miktamu ya Davida. Loku mu rutisa, mu wulawula kululama ke? Nwina vana va vanhu, mu lamula hi nongameto ke?

²Ahihi, lomu timbilwini mu tira kubiha; Laha misaveni mu ringanisa vanhu a mitiro ya nwina ya lunya.

³A vakubiha va hambukile na va hi rumbyini, Va lahleka na va ha pswaliwa, va hemba mawunwa.

⁴Va na ni wuxungu go fana ni ga nyoka; Va fanana ni phiri gi nga ingisiko, legi gi valako ndleve, [182]

⁵Lezaku gi ngazwi a gezu ga muyimbeleli, Ge, ni ku ingisa a mungoma a tlharihileko.

⁶Nungungulu, tshova meno yabye milonwini yabye, Jehova, kunula a meno ya hombe ya tinghalana.

⁷Ngha va nyunguluka kotisa mati laʼma khulungako. Laha na va fula tigalala tabye ngha tiku khwatsi ti lo tshoveka. [183]

⁸Ngha vaku khwatsi i halavumba yi nyekako, Ngha vaku khwatsi va lo handliwa, va nga woni gambo.

⁹A timbita ta nwina na ti nga se henya tihunyi, A nyama na ya ha hi yimbisi, yi ta kukuletwa hi xipupuri xo hisa.

¹⁰A wakululama i ta tsaka hi ku wona a kuphotelwa; I ta hlaza mikonzo yakwe lomu nkhateni wa vakubiha.

¹¹Zonake a vanhu va taku: Kunene, loyi a lulamileko i na ni nchachazelo; Hakunene, ku kona Nungungulu loyi a lamulako misaveni. [184]