Read tshwa Tisimu 63 Bible Online

Tisimu 63 - tshwa bible

Tisimu 63

¹Lisimu la Davida, laha a nga hi le xiwuleni xa Juda. Nungungulu, wena u Nungungulu wa mina, nza ku lavisisa, A muhefemulo wa mina wuzwa tora ha wena, A miri wa mina wu navela wena. Lomu tikweni ga xikhwangula gi nga hiko na mati.

²Zinghaho, nza ku langutela lomu wutshanwini go basa, Kasi ku wona a ntamu wa wena ni wukulu ga wena.

³Hakuva a kuranza ka wunene ga wena ku sasekile ku hunza wutomi; A milomu ya mina yi ta ku dumisa.

⁴Hikwalaho nzi ta ku dumisa na nza ha hanya, Nzi ta tlakusa a mandla ya mina vitweni ga wena.

⁵A muhefemulo wa mina wu to khwatsi wu xure hi mongo ni mafura; A nomu wa mina wu ta ku dumisa hi milomu yi tsakako,

⁶Loku nzi ku alakanya na nzi hi sangweni ga mina, Nzi khumbula wena zikhatini za wusiku.

⁷Hakuva wena u muvuneteli wa mina, Nzi tsaka lomu nzhutini wa tipapa ta wena.

⁸A muhefemulo wa mina wu na marele ka wena, A canja ga wena ga xinene ga nzi seketela.

⁹Kanilezi lava va hlotako wutomi ga mina, Va ta relela kueteni lahasi ka misava. [194]

¹⁰Vona va ta nyikelwa ntanwini wa supado, Va ta giwa hi mahlolwa.

¹¹Kanilezi a hosi yi ta nengela ka Nungungulu; Vontlhelele va hlambanyako ha yena va ta ti tlakusa, Hakuva a milomu ya lava va hembako mawunwa yi ta valiwa. [195]