Read tshwa Tisimu 7 Bible Online

Tisimu 7 - tshwa bible

Tisimu 7

¹Lisimu la Davida a nga yimbelela ka Jehova hi kota ya magezu ya Kuxe wa ka Benjamini. Jehova, Nungungulu wa mina, nza chavela ka wena; Nzi ponise ka vontlhe lava va nzi xanisako, u nzi hlanguta,

²Kasi va nga dzuki va nzi hanzula khwatsi tinghala, Va nzi hanzulela na a nga hi kona wo nzi lwela.

³Jehova, Nungungulu wa mina, loku nzi mahile zakunghahi, Loku ku hi kona kubiha mandleni ya mina;

⁴Loku nzi mu tlhelisele kubiha loyi nzi nga hanya naye hi kurula, Loku nzi phangile loyi a nzi vengako ahandle ka xigelo, [20]

⁵Ngha a nala a hlongolisa a muhefemulo wa mina, a wu khoma, A kanzihelela a wutomi ga mina lahasi, A hoxa muhefemulo wa mina tshurini. (Sela.)

⁶Vuka zangeni ya wena, Jehova; Suka u vukela a kuleva ka valala va mina, Suka u nzi yimela kulamuleni loku u ku yimisileko.

⁷A hlengeletano wa vamatiko a wu ku ranzele, Zonake tlakukela hehla ka vona u tlhelela tilweni.

⁸Jehova i lamula matiko; Tsema mhaka ya mina, Jehova, Khwatsi hi kululama ka mina ni nongameto wu nga ka mina.

⁹Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. [21]

¹⁰A xitlhangu xa mina xi le ka Nungungulu, Loyi a lwelako lava va timbilu to lulama.

¹¹Nungungulu mulamuli a lulamileko, I zangara siku ni siku.

¹²Loku munhu a nga hunzuluki, i ta lota a supado yakwe; I kondlile a wura gakwe, a gi longisa. [22]

¹³I mu longisele a matlhari ya kufa; I ta mu fula hi tigalala ti vurako.

¹⁴Langutani, inaloyi wa lunwa hi kugoha, I na ni nyimba ya kukhohlakala, wa beleka mawunwa.

¹⁵I kelile rinzi, a gi etisa, Kanilezi i tlhelile a wela ka rinzi a gi kelileko. [23]

¹⁶A kukhohlakala kakwe ku ta tlhelela hlokweni yakwe, Ni lunya lakwe li ta wela hehla kakwe wutsumbu.

¹⁷Nzi ta dumisa Jehova hi kota ya kululama kakwe, Nzi ta yimbelela a kudumisa ka vito ga Jehova loyi a Hunzeleleko Kutlakuka.