Read tshwa Tisimu 71 Bible Online

Tisimu 71 - tshwa bible

Tisimu 71

¹Jehova, nzi chavela ka wena, Ngha nzi nga chelwi tingana ni kanwe.

²Nzi ponise kululameni ka wena, u nzi hlanguta; Phuhunha a ndleve ya wena ka mina, u nzi hanyisa.

³Ngha uva ribye ga kuaka ka mina, Lomu nzi nga chavelako kona xontlhe xikhati. Wena u leletele akuva nzi hanyiswa, Hakuva u ribye ga mina ni khokhola ga mina.

⁴Nungungulu, nzi hlangute mandleni ya wakubiha, Nzi huma canjeni ga loyi a nga lulamangiko ni wa titseku.

⁵Hakuva u xitsumbo xa mina, O Hosi Jehova; Nzi ku tsumbile kusukela wusweni ga mina.

⁶Nzi seketelwe hi wena kusukela rumbyini ga mamani; Hi wena loyi u nga nzi susa rumbyini ga nyine wa mina; Nzi ta ku dumisa xontlhe xikhati.

⁷Mina nzi masingita ka vanyingi, Kanilezi wena u wuchavelo ga mina ga ntamu.

⁸A nomu wa mina wu ta tala hi ku dumisa wena, Wu dzunza wena gontlhe siku.

⁹U nga nzi hoxi xikhatini xa wukhosana, U nga nzi tsiki laha wu mbhelileko a ntamu wa mina.

¹⁰Hakuva a valala va mina va wulawula ha mina, Lava va nyanimelako a wutomi ga mina va maha gujeguje,

¹¹Vaku: Nungungulu i mu tsikile; Mu hlongoleni, mu mu khoma, Hakuva a nga kona wo mu hlanguta.

¹²Nungungulu, u ngave kule na mina; Hatlisa ku nzi vuna, Nungungulu wa mina.

¹³Ngha va wiswa tingana, va lobyiswa lava va nzi xanisako; Ngha va rukiwa ni ku kanganyiseka lava va lavako kulamatwa ka mina.

¹⁴Kanilezi mina nzi ta tsumba wontihe masiku, Nzi ta ku dumisa kambe ni kambe.

¹⁵A nomu wa mina wu ta hlawutela hi kululama ka wena, Ni kuhanyisa ka wena gontlhe siku, Hakuva a nzi tivi a magumo ya zona.

¹⁶Nzi ta kombisa a mitiro ya ntamu wa Hosi Nungungulu, Nzi kulisa a kululama ka wena ntsena.

¹⁷Nungungulu, u nzi gonzisile kusukela wusweni ga mina, Kala lezi nza tlhatlhambutela a mitiro ya wena yi hlamalisako.

¹⁸Nungungulu, u nga nzi tsiki laha na nzi khosahele, nziva ni wuvu; Kala nzi eletela hi woko ga wena a ka xizukulwana xi tako, Ni ntamu wa wena ka vontlhe lava va ha tako. [236]

¹⁹Nungungulu, a kululama ka wena ku tlakukile nguvu, U mahile zilo za hombe, Nungungulu, himani a ringanako na wena ke? [237]

²⁰Wena u hi wonisile a zikarato zinyingi zo bayisa, U ta tlhela u hi hanyisa, U hi humesa kueteni ka misava. [238]

²¹U ta anzisa a wukulu ga mina, U tlhela u nzi tangalisa.

²²Zonake nzi ta ku dumisa hi gubhu, Hi kota ya kutsumbeka ka wena, Nungungulu wa mina. Nzi ta ku yimbelela hi xitende, wena Wakubasa wa Israeli.

²³A milomu ya mina yi ta tsaka loku nzi ku yimbelela, Ni muhefemulo wa mina lowu u wu tiruleko.

²⁴Ni lirimi la mina li ta kanela wontihe masiku hi kululama ka wena, Hakuva va wisilwe tingana ni ku kanganyiseka lava va nga hlota kulamatwa ka mina.