Read tshwa Tisimu 72 Bible Online

Tisimu 72 - tshwa bible

Tisimu 72

¹Lisimu la Solomoni. Nungungulu, nyika zilayelo za wena ka hosi. Ni nʼwana wa hosi u mu nyika kululama ka wena.

²I ta lamula a vanhu va wena hi nongameto, Ni vaxanisekako va wena hi kupimisisa.

³A zitsunga zi ta neha kurula vanhwini, Ni miganga kambe hi kota ya kululama. [239]

⁴I ta yimela a vaxaniseki va tiko, A ponisa a vana Va vavumali, Ni ku pswandlasa a mutsimbeketi.

⁵Va ta ku chava loku gambo ni hweti za ha hi kona, A ka zizukulwana zontlhe. [240]

⁶I ta kota vula loku yina lomu magelweni, Kotisa a ti vula ti tsanisako misava.

⁷A masikwini yakwe a wakululama i ta hluka; Ni kurula ku ta anza, kala a hweti yi ngave kona. [241]

⁸I ta fuma kusukela ka bimbi ginwe kala kuya ginwani, Ni kusukela Congweni kuya magemeta-musi ya misava.

⁹Lava va tshamako xiwuleni va ta korama mahlweni kakwe, Ni valala vakwe va ta laza a ntshuri.

¹⁰A tihosi ta Tarxixi ni ta le zihlaleni ti ta neha nzhuvo, Ni tihosi ta le Xeba ni Seba ti ta humesa zinyikiwo. [242]

¹¹Ina, tontlhe tihosi ti ta mu khizamela, A matiko wontihe ma ta mu tirela.

¹²Hakuva i ta hlanguta a muvumali loyi a rilako, Ni loyi a tsimbeketilweko, loyi a nga hiko na muvuni.

¹³I ta zwela wusiwana loyi a hlokisilweko ni muvumali; A ponisa wutomi ga vavumali.

¹⁴I ta va tirula kutsimbeketweni ni lomu kuxanisweni, A nkhata wabye wu tava ni ntsengo mahlweni kakwe.

¹⁵I ta hanya, va ta mu nyika nzalama ya le Xeba; Va ta mu kombelela xontlhe xikhati, va mu khesa siku ni siku.

¹⁶A mavele ma ta pfuna nguvu tikweni ni lomu hehla ka zitsunga, Ni mihanzu ya gona yi ta ninginika khwatsi hi khwati ga Lebanoni; Lava va akileko lomu mitini va ta hluka kotisa a byanyi ga misava.

¹⁷A vito gakwe gi ta tsonzoma kala kupinzuka, A vito gakwe gi tava kona na ga hi kona gambo; Ni vanhu va ta katekisana ha yena; Matiko wontihe ma ta mu vitana loyi a katekileko. [243]

¹⁸A khesiwe Jehova, a Nungungulu wa Israeli; Loyi a mahako zihlamaliso a hi yece.

¹⁹A gi khesiwe a vito gakwe ga hombe kala kupinzuka; A misava yontlhe ngha yi tala hi wudzunzo gakwe. Amen ni Amen!

²⁰A mikombelo ya Davida, a nʼwana Jesse, yi gumesile.