Read tshwa Tisimu 74 Bible Online

Tisimu 74 - tshwa bible

Tisimu 74

¹Maxili ya Asafa. Nungungulu, hiyini u hi tsikileko magumo? Hikuyini u zangarelako a ntlhambi wa wena ke?

²Alakanya a hlengeletano leyi u nga yi kuma kale, Leyi u nga yi tirula lezaku yiva a lixaka la tshomba ya wena; Alakanya a xitsunga xa Zioni, lexi u tshamileko ka xona.

³Kongoma a milenge ya wena uya wutshanwini ga marumbi ga kale, A nala i gohile zontlhe wutshanwini ga wena go basa.

⁴A valala va wena va kanyulukile lomu tempeleni ya wena, Va vekile zikombiso zabye ziva zikombiso za kona.

⁵Va wa woneka kota vanhu va nga tlakusa zihloka, Kasi ku tsema tisinya ta khwati go khwela.

⁶Zonake va fayetela leʼzi vatlhilweko zontlhe za yona Hi mabewula ni tihamela. [247]

⁷Va hisile hi nzilo a wutshamu ga wena ga kubasa, Va hahlulile ni ku hanahanisa a yindlu ya vito ga wena.

⁸Vaku timbilwini tabye: A hi va hetiseni vontlhe bhi! Va hisile wontihe masinagoga ya Nungungulu lomu tikweni.

⁹A ha ha zi woni a zikombiso za hina, A ka ha hi na muprofeti; Xikari ka hina a nga kona a tivako lezaku ku tava kala rini. [248]

¹⁰Nungungulu ku tava kala rini a nala na a ha rukatela? A nala i ta sola a vito ga wena kala kupinzuka ke?

¹¹Hikuyini u alisako a woko ga wena ga xinene ke? Gi humese xifuveni xa wena, u va heta.

¹²Hakuva, Nungungulu, u Hosi ya mina kusukela kaleloko, Hi wena u hanyisako laha misaveni.

¹³U avanyisile a bimbi hi ntamu wa wena, U faya a tihloko ta madrako laha matini. [249]

¹⁴U fayile a tihloko ta Leviatani, U mu nyikela a kuva zakuga za zidlemo za le xiwuleni.

¹⁵U velisile a zibuka ni micongo, U pswisa a micongo ya ntamu. [250]

¹⁶A hlikanhi ngwa wena, ni wusiku kambe ga wena; U lo vanga kuwonekela ni gambo.

¹⁷U lo panza mimbhingano yontlhe ya misava, A ximumu ni wuxika zi vangilwe hi wena.

¹⁸Jehova, alakanya lezaku a nala i ku rukatele, Ni tiko ga zipumbu gi kanyisile a vito ga wena.

¹⁹U nga nyikeli a muhefemulo wa tuva ga wena ka zivanza, U nga rivali a vatsimbeketilweko va wena kala kupinzuka.

²⁰Alakanya a xivumelwano, Hakuva a matshamu ya xinyama ya tiko ma tele hi wuakelo ga zigevenga.

²¹Loyi a hlokiswako ngha a nga tlheli hi tingana, Loyi a xanisekako ni muvumali a va dumise a vito ga wena.

²²Vuka, Nungungulu, u yimela a mhaka ya wena; Alakanya lezi a xipumbu xi ku rukisako zona siku ni siku.

²³U nga rivali a tihuwa ta valala va wena; A guwa ga lava va ku vukelako ga zwakala wontihe masiku.