Read tshwa Tisimu 75 Bible Online

Tisimu 75 - tshwa bible

Tisimu 75

¹Ka muchuli; Mu nga lovisi. Lisimu la Asafa. Ha ku bonga, Nungungulu, ha ku bonga; A vito ga wena gi laha kusuhani, Vanhu vahlawutela a zirewukiso za wena.

²Loku xi chikele a xikhati xa kona, Nzi ta lamula hi nongameto.

³Hambu misava yi tsekatseka zinwe ni vontlhe lava va akileko ka yona, Mina nza tiyisa a timhanze ta yona. (Sela.)

⁴Nziku ka lava va ti kukumukisako: Mu nga ti kulisi, Ni ka vakubiha: Mu nga tlakusi limhonzo.

⁵Mu nga tlakusi limhonzo la nwina hehla; Mu nga wulawuli hi matshanza.

⁶Hakuva a kutlakusiwa a kuti hi le Mutsuwuka-gambo, Ge hambu hi le Muhlwa-gambo, kutani hi le xiwuleni.

⁷Kanilezi loyi a lamulako hi Nungungulu; I tsongahata munwe, a kulisa munwani: [251]

⁸Hakuva canjeni ga Jehova ku na ni gombe, ni vinya gi pupuma kuvi; Gi tele hi kunwa ku patselweko, yena wa va chela ha gona, Kunene vontlhe vakubiha va misava va ta gi pswonga, Va kala va mbheta ni zisese za kona.

⁹Kanilezi mina nzi ta zi tlhatlhambutela kala kupinzuka; Nzi ta yimbelela nzi dumisa Nungungulu wa Jakobe.

¹⁰A timhonzo tontlhe ta laʼvo biha nzi ta ti tsema, Kanilezi a timhonzo ta laʼvo lulama ti ta tlakuswa.